Fandraisana
Hampiditra
Lisitra
Sokajy
Hisoratra anarana
Hiditra
Lisitry ny ohabolana
Lisitry ny ohabolana, anaty sokajy
fanambadiana
Hampiditra ohabolana
31.
Ampanambadiana lasan'olona, omby namidy tsy an'ny tena
yveratsimb
32.
Ny fanambadiana tahaka ny menaka, ka raha manalavitra ny afo dia mandry
yveratsimb
33.
Manam-bady ny lava, tsy mindran-tohatra intsony ; manam-bady fohy, mitahiry tapak’aponga ; manam-bady ny loza be, mitahiry varatra an-trano
yveratsimb
34.
Ilay kamo mivady: ny lahy tsy tia harahara, ny vavy tsy tia vody tenona
yveratsimb
35.
Potsitra ny maso: adidin' ny loha; fotsy ny volo: adidin' ny loha; banga ny nify: adidin' ny loha
yveratsimb
36.
Tahaka ny tokon-kena ny fanambadiana, ka ao ny sendra ny trafony, ary ao kosa ny sendrany lohaliny
yveratsimb
37.
Tsy misy tsara hoatra ny fanambadiana mifanaraka
niryna
38.
Sinoa manambady baribary maso ka ny fanarenan-taranaka no zava-dehibe
ainasihery
39.
Raha tiana ho tody ny lakana itàna,ny tevin-damosiny aloha no zahàna; raha tiana hateza ny lamba tinafy,tsongoy ny tenony fandrao tsy mafy; raha tiana hateza ny fanambadiana,ny alarofatra no anontaniana!
zokieva
40.
fanambadiam-boalavo, ka Samy mikepoka izay azony
mpikabary
41.
ny mpivady no tsy miresaka, very ny androatokom-pitiavana
mpikabary
42.
Fon-jazalahy, atakalo, fon-jazavavy
rijadolly
43.
Atao fitia garanadrelina, tanora maitso haigon'ny saha, antitra mikaraikona vao tena mamy.
Jetsiera
44.
Tonga alina ohatry ny vady tsy vita vody ondry
kiriah
45.
Alaon'ny andro nampakarana anie aho: ny hena be, ny fitia nandroso; ka sady Ramatoa aho no Raivo.
soanja
46.
Tampontampoin'ny manambady Raketaka ka misambo-balala hariva.
soanja
47.
Ny fanambadian'andevo tsy manam-pahefana toy ny hefakefan'omby.
soanja
48.
Raha mbola vao dia mitaingina bao, fa nony tamana taingenan'ny bao.
soanja
49.
Ny manapaka mora foana fa ny man-do fototra no sarotra
kiriah
50.
antitra ampijoroana ohatrin ny anamalao lavitr olona
kiriah
51.
Ny fanambadiana tsy nafehy fa nafandrotra.
soanja
52.
Arahabarabao reny foza fa tsy fantatra izay ho rafoza.
litakelinineny
53.
Antsapaka ny fanambadiana ka ao ny mahazo ny trafony, ao ny tandrify ny tandrony.
aivetinakely
54.
Ny mariazy volamena no zavatra hita mitsongadina ao amin'ny fanambadiana
niryna
55.
Ny vokatra azo ateraky ny fanambadiana ao amin'ny lehilahy dia ny fahanginana
niryna
56.
Manambady vehivavy amin'ny antsaran-tarehiny dia toy ny mividy trano noho ny lokony fotsiny
niryna
57.
Kely tratry ny sarotra hoatra ny misao-bady tezitra
niryna
58.
Aza manambady noho ny volany, fa mora kokoa ny mihindrana raha izany
niryna
59.
Ny fanambadiana fihafiana ; izay tofoka aloha no kaikeri-nenina.
aivetinakely
60.
Tsy misy mahamenatra toy ny mitari-bady tsy lasa vodiondry
niryna
1
2
3
4
©
Eugene Heriniaina
- serasera.org 1999 - 2024 - page load 0.0779