Lisitry ny ohabolana

Lisitry ny ohabolana, nampidirin'i yveratsimb

Hampiditra ohabolana
31. Ampanambadiana lasan'olona, omby namidy tsy an'ny tena
yveratsimb
32. Ny fanambadiana tahaka ny menaka, ka raha manalavitra ny afo dia mandry
yveratsimb
33. Ny fihavanana ohatra ny landy : maty isika, ifonosana ; velona itafiana ; ka ny madilana arahim-panondro.
yveratsimb
34. Aza matoky fitiavana ka hitanjaka imasom-bady
yveratsimb
35. Ny fitiavana toy ny lambamena ka faty no hisarahana
yveratsimb
36. Fitia savony, tiana fa avalana rano
yveratsimb
37. Ataovy fitia voatavo : raha lena atao laoka, raha maina atao siny ary raha vaky atao toham-baliha hikalokaloko isan' andro
yveratsimb
38. Lahy antitra kendan’ovy : tsy atolak’olona, fa matin’ny nasesiky ny tànany
yveratsimb
39. Boka mihinan-kitoza : ny fihinanana no lavorary, fa ny manala kaka no ady mafy.
yveratsimb
40. Lahy antitra kendam-body akoho : mahazo fanjakana vao mivadi-boamaso ; tonga ny valim-pitia vao voa totohondry an-katony.
yveratsimb
41. Aza manao toy ny rafozana jamba, ka aleo ateran-tsira kely toy izay homen-damba tsara
yveratsimb
42. Manam-bady ny lava, tsy mindran-tohatra intsony ; manam-bady fohy, mitahiry tapak’aponga ; manam-bady ny loza be, mitahiry varatra an-trano
yveratsimb
43. Andevolahy mamosavy tompo : voky hena indray andro fa hiongo-belona herintaona.
yveratsimb
44. Mioty manta ka leony, miringiringy ka potraka
yveratsimb
45. Haitraitran'olombelona, zaka-Nanahary, fa Andriamanitra ihany no mandidy.
yveratsimb
46. Mandeha irery, sahalain'Andriamanitra, mandeha roa, sahalain'olombelona.
yveratsimb
47. Mpisakaiza toa mpiombon-dray, mpifankatia toa mpiombon-dreny
yveratsimb
48. Amin'Andrianampoinimerina ny ranomasina no valamparihy. Ny antsika kosa ny fofon'aina no fetram-pitia
yveratsimb
49. Aza atao fitiavan-jaza ka androany aho tia, rahampitso aho bedin'ny dada, afaka ny ampitso aho tia olon-kafa.
yveratsimb
50. Nahoana no ho tia vao ka manary kolokolo ?
yveratsimb
51. Aza asesiky ny fitia tanteraka, ka tsy mahalala ny ranonorana ho avy
yveratsimb
52. Aza atao fitia voangivy, mbola lavitra ihany ka kivy
yveratsimb
53. Izay manome ny malahelo tsy hanan-java-mahory ; fa izay mitapi-maso hahazo ozona be
yveratsimb
54. Aza manao lahy antitra mahazo lamokan'atody akoho, ka tsy mitadi-zafy intsony.
yveratsimb
55. Tantely be ronono ny fitiavana ka arakaraky ny hizaranao azy no vao maika ahazoana fifaliana.
yveratsimb
56. Vorombola miaraka amin'ny akoho, miala fa tsy havanay.
yveratsimb
57. Misotro rano an-tanam-bady tsy hetaheta fa angolangola.
yveratsimb
58. Aza atao toy ny fanjaibe hazo ny fitiavana, very tsy mampamoifo, hita tsy mahafaly
yveratsimb
59. Miarahaba mamba, tsy fitia fa tahotra
yveratsimb
60. ny teny ierana tsy mba loza ; tsy misy mangidy noho ny sakay, fa raha teny ierana dia hanina.
yveratsimb
© Eugene Heriniaina - serasera.org 1999 - 2025 - page load 0.012