Lisitry ny ohabolana misy hoe olan

Lisitry ny ohabolana, ohabolana misy hoe olan

Hampiditra ohabolana
91. Faly sahirana tahaka ny vahiny tolorana vozon'akoho, jeren'ny maso toa hena azo hanina fa tsakoin'ny nify toa taolana mikarepoka.
thonli
92. Misolantsolana ohatra ny vinanto tsy mahare fosa.
Minouchka
93. Rafozan-tsarotiny ka ny zanaka no misolo vady isam-bolana.
aivetinakely
94. Raha malahelo, mitrakà hijery masoandro, raha kivy mandehàna mandinika ny volana.
aivetinakely
95. Aza mampanantena volana tahaka ny olona miady fahefàna.
aivetinakely
96. Manalasala toy ny vozon'akoho, hariana toa hena, hohanina feno taolana
aivetinakely
97. Fady fotsy toa oman-dronono, tsy mainty milalao saribao, fomba fiteny raha hialatsiny ny mpikabary dia azo raisina ao anaty voabolana io, ary mampiango azy mihintsy ary rehefa tonga ny ainga eo amin'ny lafiny kabary
RTsongy
98. Tsy azo atao ny mifidy anatrehan'ny volana na masoandro fa ny iray fanilon'ny aizina, ny iray fitariky ny mazava.
aivetinakely
99. Ratsy tarehy mitaratra ka ny volo no aolankolana.
aivetinakely
100. Ny ondry voatsipy taolana, ny amboa voatsipy vilona, tao ihany fa nifanolana
niryna
101. Az a atao fihavanan'alika ka taolana iray no isarahana
aivetinakely
102. Ny lavanify mihinan-taolana no tafaray samy mafy, fa ny banga mifanaikitra no tsy ahitàna izay dia-nify
aivetinakely
103. Ny langoraona sy amponga no tsy mitovy feo mifanaraka, ary ny kintana sy ny volana no samihafa famiratra mifanotrona.
aivetinakely
104. Ny volana manakona masoandro no miteraka aloka sy haizina, fa ny masoandro be lohataona no manome hazavàna ka tsy manan-kasosorana amin'olona.
aivetinakely
105. Aza manambady noho ny volany, fa mora kokoa ny mihindrana raha izany
niryna
106. Aleo fody kely ampelantanana toy izay voromailala ambony tafo-trano(ohabolana Slovakia).
sylvoalias
107. Manao ho akan'ny alina, ka misavily sandry maizim-bolana
niryna
108. Ny diavolan-kolava, ny kilalao mbola ho ela
niryna
109. Aza mitoto-vary diavolana ka maka fanahy ny akoho
niryna
110. Raha misy ny setroka, misy ny hay trano.Tsy tonga ny ady raha tsy tonga ny mpitati-bolana
niryna
111. Tsy hanan-karena mihitsy hianao raha ny hanisa ny volan'ny hafa eo.
niryna
112. Mihena antoerana toa fen'antitra, lany ampitoerana toa volan'adala.
niryna
113. Ny fanontsakontsanana ny ronono no miteraka ranomandry.Ny fanolanana ny orona no miteraka ra;ary ny fanetsiketsehana ny fahatezerana no miteraka ady
niryna
114. Ny alahelon-dehilahy tsy mihoatra ny herinandro, ny alahelom-behivavy mihoatra ny tapa-bolana.
aivetinakely
115. Manan-joky afaka olan-teny, mana-jandry afaka olan'entana.
aivetinakely
116. Mitoto vary diavolana ka maka fanahy ny akoho.
aivetinakely
117. Lohataon-diavolana, izay miherika hitany.
aivetinakely
118. Aleo joko miha-solanga toy izay solanga miha-joko
aivetinakely
119. Bevohoka tsy mahalala volana ka rehefa teraka izy babèna
aivetinakely
120. Mitoto vary diavolana, maka fanahy ny akoho
aivetinakely
© Eugene Heriniaina - serasera.org 1999 - 2025 - page load 0.019