Lisitry ny ohabolana

Lisitry ny ohabolana rehetra

Hampiditra ohabolana
6541. Toy ny osivavy somorina : ny lova tamin-dray tsy avela, ary ny hetra tamin-dreny tsy diso.
hery
6542. Tsy misy hianteherana toa bozaka; tanora, sakafon'ny omby; antitra, sakafom-patana
hery
6543. Aza manao fihavanan-karena, ka tomany handratra ny sasany
hery
6544. Toto vary lena ka samy te-ho lohany
hery
6545. Aza ny toho mihahy no tazanina fa ny lefo-mitsangana.
hery
6546. Aza ny tarehiko mavomavo no jerenao fa ny havako an-dilambato heverina
Fanja1
6547. Tahaka ny jiafotsy : vao tsy ilaozan-kasokasoka, rovitra tsy hilaozan-dromoromo
hery
6548. Didy maso tsara ondana, ka mandrimandry manana aretina.
hery
6549. Vary vokatr'ibetsimitatatra, ka na tompony na tsy tompony samy mitazana avokoa
hery
6550. Aleo kely fanahy sitrak'olona, toy izay be fanahy maty foana
hery
6551. Aza manao masoandro ririnina, manjombona andro hihaonana ; fa aleo masoandro be lohataona, ka tsy mba manam-pahasosorana
hery
6552. Aza dia fatra-pandefitra toy ny mpivaro-tantely, ka ny tompony indray no milelan-tanana
hery
6553. Toy ny mitari-drano ririnina : miala amin'izay nitoerany, fa tsy tonga amin'izay alehany
hery
6554. Ny olombelona toy ny embok'akondro : raha manondro ny lanitra, iray ihany, fa raha miondrika, samy manana ny lafiny.
hery
6555. Aza ny vato handràtra ny loha ihany no sainina, fa mba hevero koa ny fasika handitsoka ny maso.
hery
6556. Ny fihavanana tahaka ny volon-kotona : hatonina, manalavitra, halavirina manatona
hery
6557. Ny olona marina ohatry ny vato lava sorona, ka izay ametrahana azy marina avokoa
hery
6558. Aza manao toy ny voavahy : tsy mahajoro tena, fa mitomany hisarangotra ny sasany.
hery
6559. Tahaka ny tokon-kena ny fanambadiana, ka ao ny sendra ny trafony, ary ao kosa ny sendrany lohaliny.
hery
6560. Aza manao ganagana lahy : ny mitari-dalana indray no mihakely feo.
hery
6561. Aza mitoe-poana ohatry ny vato : ny lehibe tsy miteny, ny kely tsy misy mpananatra
hery
6562. Aza ny lohasaha mangina no heverina, fa Andriamanitra ao an-tampon'ny loha
hery
6563. Avo fijery Andriamanitra, ka mahita ny takona
eugene
6564. Manao an'Andriamanitra tsy hisy, ka mitsambiki-mikipy
eugene
6565. Ny olombelona voatr'ampangoro, ka mifandimby ambony sy ambany
eugene
6566. Ny olombelona toy ny amalona an-drano ka be siasia
eugene
© Eugene Heriniaina - serasera.org 1999 - 2025 - page load 0.125