Lisitry ny ohabolana

Lisitry ny ohabolana, anaty sokajy vorona

Hampiditra ohabolana
31. Fambara loza ny goaika tokana eny alohan'ny lalana izorana.
soanja
32. Goaika maneno am-panidinana, ka mampidera feo eny an-danitra.
soanja
33. Goaika tsy atoro tanim-boanjo.
soanja
34. Fihavanan-takatra ka ory miara-mitokiky, faly miara-mitokaka.
soanja
35. Vorondolo miseho andro ka ny tararaka aza manenjika.
soanja
36. Rafotsibe mataho-tararaka ka ianao hariva eo, izaho alina eto.
soanja
37. Mandihiza rahitsikitsika hianaranay amin'ny fararano.
soanja
38. Tatabava, milaza taon-tsy hisitrahana toy ny kankafotra.
soanja
39. Voronombalahy ka ambony miray lanitra, ambany miray lavaka.
soanja
40. Velon-drivotra toa sidintsidina.
soanja
41. Voromanga milevim-belona.
soanja
42. Mandoka tena ohatra ny papelika.
soanja
43. Fody lahy ririnina ka mitovy volo amin'ny sorohitra.
soanja
44. Kibobo voafandrika ka ny mandrimandry no ahazoana aina.
soanja
45. Na mahay manjohy aza ny kibobo, ny alika koa mahay manimbolo.
soanja
46. Tsy maneno alohan'ny fitatra.
soanja
47. Zana-tsorohitra amoron-dalana ka tsy nariako, tsy narian-dreniny.
soanja
48. Tsy mba tsiriry vorona, ka manifi-drano dia lasa, fa tsiriry ahitra, ka lo eo an-tany aniriana.
soanja
49. Ny vitsika manana ny lavany, ny vorona manana ny akaniny ary ny olona manana ny tranony.
soanja
50. Mena mason'ny nahiny tahaka ny vivy nanitrika.
aivetinakely
51. Vorona nihoatra an'Andringitra, afoizo fa antanindrazany.
aivetinakely
52. Vorom-bazaha misasa, ka samy manao izay saim-pantany.
soanja
53. Aza manai-boron-kotifirina
McFy
54. Vorom-bazaha misasa, ka samy manao izay saim-pantany
McFy
© Eugene Heriniaina - serasera.org 1999 - 2024 - page load 0.0753