Lisitry ny ohabolana - ohabolana.org

61. Raharahan'Imantasoa: ny miera mandoa venty; ny mandeha fotsiny maty loso.

soanja

62. Ny fanompoana folo elatra ahina: ahina mahavelona, tsy ahina mahafaty.

soanja

63. Ny fanompoana tahaka ny lanitra, ka samy miloloha ny tandrifiny.

soanja

64. Tahaka ny hadi-voanjo ny fanompoana: ka tsy ny momba ny tahony ihany no atao an-karona, fa ny mipetraka amin'ny tany hohazan-tanana koa mba hamenoana ny harona.

soanja

65. Ny fanompoana aza atao andran-drano: ka raha marivo hotsobohina, ary raha lalin-kihemorana.

soanja

66. Tahaka ny jorery ny fanompoana, ka na dia tapaka aza ny tongony aman-tanany mbola mimenomenona ihany izy.

soanja

67. Mihanton-kariva hoatra ny salakan'Amboatany.

soanja

68. Parasin'Ambohimanoa: ny vavy be loha,ary ny lahy kibotaina, ka samy mahalala ny anjarany.

soanja

69. Fandrian'Ivonizongo: ka ny mitsilany no malalaka noho ny mihoririna.

soanja

70. Toy ny hazo kely atsinanan'Angavo, ka indray mietry, indray misavoana.

soanja

71. Vilany borin'Amboatany: ariana tsy foy, avela manebaka ny trano.

soanja

72. Andriambavy Vonizongo: mitafy jabo ka manao fehin-tongotra.

soanja

73. Nahoana no atao terak'ombin'Ambohimahagaga, ka ny tsy mianaka no ampinonoina?

soanja

74. Tapia tsy miakatra Imerina, amberivatry tsy midina Imamo.

soanja

75. Ondrilahin'Ambohimangidy: hondrihondriny iraimbilanja; lava tandroka vao lasiventy.

soanja

76. Ondrilahin'Ambohimangidy: tonga soa vao latsa-bidy.

soanja

77. Aza manao tsitsik'ombin'Ibetsileo; ny ombin'Ikoto an'Ikoto ihany, ary ny ombin'olona an'Ikoto ihany koa.

soanja

78. Benalika no niongo-kerana, ka Isamboranto no miempa-tanana.

soanja

79. Ho anao avokoa va Ibabay sy Lohavohitra?

soanja

80. Very Ivoara, ka tondraka Ivarahina.

soanja

81. Sisi-hazon' Antanamalaza, mahitsy ihany fa tonotononana; sisi-hazon'Antananarivo, sady soa no arahim-bankona.

soanja

82. Ny lalana haleha rahateo, ny dia ho any Mahavika.

soanja

83. Sikim-tsalaka mahay mandeha, sampin-kavanana mahay mihaingo.

soanja

84. Ratsy tarehy ambinin-doza, ka mirakaraka volo vao tsara.

soanja

85. Ratsy tarehy handeha hilanona, ka maraina ihany no izy.

soanja

86. Toy ny sahondra ambony vato, ka endrik'izay itoerany.

soanja

87. Akanjon-goaika, ka vita fony kely.

soanja

88. Enti-maty toy ny tarehy.

soanja

89. Tsara loha ka endrehin-drandrana.

soanja

90. Ny tarehy soa verin'ny hanina an-dany vazana.

soanja