Lisitry ny ohabolana misy hoe Anà

2041. Tsy misy mamy tahaka ny zanaka, fa rehefa manaiki-nono ahifika.

aivetinakely

2042. Ny adala no tsy ambakaina, Andriamanitra atahorana.

aivetinakely

2043. Tsy misy fitia fito taona, fa ny sisan'izay fihavanana.

aivetinakely

2044. Tandra vadin-koditry ny fiainana ny fahazarana.

aivetinakely

2045. Na ny valala aza hono tsy azo raha tsy andriana ilika.

aivetinakely

2046. Ny olon-kandrandrana tsy anafenana ny loha sola.

aivetinakely

2047. Tsy misy mahay hatrany an-kibondreniny, fa na ny mitan-tsotro aza ianarana.

aivetinakely

2048. Misoko mangina toa ranom-panala ny fitiavana, an-koditra vao mahangoly.

aivetinakely

2049. Ataovy sahala amin'ny tokantranon-dandy, ao anatiny vao manatevina.

aivetinakely

2050. Tsy ny varotra no taloha fa ny fihavanana.

aivetinakely

2051. Varotra tsy raikitra tsy maharatsy fihavanana.

aivetinakely

2052. Aza atao fihavanam-bato ka raha tapaka tsy azo atohy, fa ataovy fihavanan-dandy, ka ny madilana tentenina, ny mainto atohy.

aivetinakely

2053. Vavan-kisoa misy sira, tokinao hihinana azy.

aivetinakely

2054. Rafotsy be kendam-bomanga, kendan' ny nasesiky ny tananany

rtol

2055. tsa misy fo mahafoa vady hoe, fa ny maso no te hanan - droa.

ratanana

2056. Basy atifi-kavana, tsy afenina fa arangaranga.

aivetinakely

2057. Izay mandeha roa salahain'olombelona, ny mandeha irery salahain-Janahary.

aivetinakely

2058. Ny anarana tanim-boanjo, ka samy mamaritra izay zakany.

aivetinakely

2059. Sora-damba antsena ny fitiavana, ka samy mifidy ny tiany.

aivetinakely

2060. Ny alahelon-dehilahy tsy mihoatra ny herinandro, ny alahelom-behivavy mihoatra ny tapa-bolana.

aivetinakely

2061. Mason-tsora ny fananana, ka ny kely ananana no ahiratra.

aivetinakely

2062. Ny anambadian-kiadanana, ny iterahan-ko sambatra.

aivetinakely

2063. Ny anambadian-kiterahana, ny iterahan-ko dimby.

aivetinakely

2064. Tsy misy zavan-tsy zaka tahaka ny fanambadiana natao an-terisetra.

aivetinakely

2065. Manan-joky afaka olan-teny, mana-jandry afaka olan'entana.

aivetinakely

2066. Havan-tiana tsy iaraha-monina.

aivetinakely

2067. Tantely amam-bahona ny fiainana.

aivetinakely

2068. Raha sery vitan'ny anamalaho, aza amonoana vatotr'akoho.

aivetinakely

2069. Aza mifanipaka anatiny tahaka ny valala an-karona.

aivetinakely

2070. Nahita ny akanga tsara soratra ka nanary ny akoho tamàn-trano

aivetinakely