Lisitry ny ohabolana

Lisitry ny ohabolana, anaty sokajy Fanambadiana

Hampiditra ohabolana
31. Andriana mifamofo amin'andevo ka maniry midina toa volo-kelika
oely89
32. Ny fahadiovana sy ny filaminana, ny fiasana sy ny fitsitsiana : izay tokan-trano miorina amin'izany tsy mba ho rava
yveratsimb
33. Ilay Kamo mivady : ny lahy matory maraina, ny vavy manao be fahandro : tafahaona ny adala roa.
yveratsimb
34. Kitapo mora feno ; vady miara-miary.
yveratsimb
35. Aza manao hoe : " an'ny lehilahy ihany", na hoe " an'ny vehivavy ihany"
yveratsimb
36. Anambadian-ko namana, iterahan-ko dimby - Anambadian-ko namana, iterahan-ko solofo.
yveratsimb
37. Ampanambadiana lasan'olona, omby namidy tsy an'ny tena
yveratsimb
38. Ny fanambadiana tahaka ny menaka, ka raha manalavitra ny afo dia mandry
yveratsimb
39. Manam-bady ny lava, tsy mindran-tohatra intsony ; manam-bady fohy, mitahiry tapak’aponga ; manam-bady ny loza be, mitahiry varatra an-trano
yveratsimb
40. Ilay kamo mivady: ny lahy tsy tia harahara, ny vavy tsy tia vody tenona
yveratsimb
41. Potsitra ny maso: adidin' ny loha; fotsy ny volo: adidin' ny loha; banga ny nify: adidin' ny loha
yveratsimb
42. Tsy misy tsara hoatra ny fanambadiana mifanaraka
niryna
43. Sinoa manambady baribary maso ka ny fanarenan-taranaka no zava-dehibe
ainasihery
44. Raha tiana ho tody ny lakana itàna,ny tevin-damosiny aloha no zahàna; raha tiana hateza ny lamba tinafy,tsongoy ny tenony fandrao tsy mafy; raha tiana hateza ny fanambadiana,ny alarofatra no anontaniana!
zokieva
45. fanambadiam-boalavo, ka Samy mikepoka izay azony
mpikabary
46. ny mpivady no tsy miresaka, very ny androatokom-pitiavana
mpikabary
47. Fon-jazalahy, atakalo, fon-jazavavy
rijadolly
48. Atao fitia garanadrelina, tanora maitso haigon'ny saha, antitra mikaraikona vao tena mamy.
Jetsiera
49. Tonga alina ohatry ny vady tsy vita vody ondry
kiriah
50. Alaon'ny andro nampakarana anie aho: ny hena be, ny fitia nandroso; ka sady Ramatoa aho no Raivo.
soanja
51. Tampontampoin'ny manambady Raketaka ka misambo-balala hariva.
soanja
52. Ny fanambadian'andevo tsy manam-pahefana toy ny hefakefan'omby.
soanja
53. Raha mbola vao dia mitaingina bao, fa nony tamana taingenan'ny bao.
soanja
54. Ny manapaka mora foana fa ny man-do fototra no sarotra
kiriah
55. antitra ampijoroana ohatrin ny anamalao lavitr olona
kiriah
56. Ny fanambadiana tsy nafehy fa nafandrotra.
soanja
57. Arahabarabao reny foza fa tsy fantatra izay ho rafoza.
litakelinineny
58. Antsapaka ny fanambadiana ka ao ny mahazo ny trafony, ao ny tandrify ny tandrony.
aivetinakely
59. Ny mariazy volamena no zavatra hita mitsongadina ao amin'ny fanambadiana
niryna
60. Kely tratry ny sarotra hoatra ny misao-bady tezitra
niryna
© Eugene Heriniaina - serasera.org 1999 - 2026 - page load 0.0116