Lisitry ny ohabolana

Lisitry ny ohabolana, nampidirin'i yveratsimb

Hampiditra ohabolana
121. Atody tsy afindra reny ; ro tsy afindra vilany
yveratsimb
122. Ny tsikalakalan-karena manam-pahalaniana, fa ny tsikalakalam-pihavanana tsy manam-pahalaniana
yveratsimb
123. Fihavanan' ny Mamoladahy : tsy mihavana roa taona
yveratsimb
124. Ny fihavanana tahaka ny volonkotona : hatonina, manalavitra ; halavirina, manatona
yveratsimb
125. Maizina ny andro, azo tsilovina; lalina ny rano azo lakanana; lalina ny hady,azo toharina; fa ny ratsy atao tsy mba azon-kevitra
yveratsimb
126. Ny fanompoana tahaka ny lanitra, ka samy miloloha ny tandrifiny avy.
yveratsimb
127. Kary mihomehy ny vorondolo, ka ny mandady indray no mihomehy
yveratsimb
128. Tahaka ny jiafotsy : vao, tsy ilaozan-kasokasoka, rovitra tsy hilaozan-dromoromo
yveratsimb
129. ny iray tsy tia mafana, ary ny iray tsy tia mangatsiaka : ka ataovy ny marimaritra iraisana
yveratsimb
130. Toy ny rano am-pasika ; natao tsy hisy fa nisy ihany
yveratsimb
131. Lon-damba sy fahenim-bary ; ka izay maharitra ela dia herinandro.
yveratsimb
132. Tsy nahin’ny sosoa no nitobaka, fa ny mpandoatra no vinitra.
yveratsimb
133. Tsy mahafoy vola hamidy takotra, ka manta vary.
yveratsimb
134. Ny teny toy ny fonosana, ka izay mamono no mamaha.
yveratsimb
135. Ny tena marina ohatry ny fia-pary, ka na lava aza, tsy lany hamamiana
yveratsimb
136. Anantsinahy va aho ka atao ambony vary ?
yveratsimb
137. Ny lainga toy ny vary aloha, mahatra-po, fa tsy mahavita taona
yveratsimb
138. Ny fihavanana tsy azo vidina
yveratsimb
139. Mifankatia amin'ny amalona, ka nony sendra tia, nabolilany
yveratsimb
140. Anao aho ka mora, fa raha an'olona aho dia sarotra
yveratsimb
141. Setroka sy tomany tsy mba sarotra fantarina
yveratsimb
142. Ny faty mpanazakazaka, ary ny aretina vadin-koditry ny olombelona
yveratsimb
143. Tsy ny fanambadiana no taloha, fa ny fihavanana
yveratsimb
144. Ny fihavanana toa fasambazimba, ka izay mandrava aloha no tapak'ila
yveratsimb
145. Havana tsy fantatra, naman’ny tsy havana
yveratsimb
146. Tsy mba tsiriry vorona, ka manifi-drano dia lasa, fa tsiriry ahitra, ka lo eo an-tany naniriany
yveratsimb
147. Vorom-bola miaraka amin'akoho, mialà fa tsy havanay
yveratsimb
148. Vano am-balam-parihy ihany mantsy aho, ka raha tazanina toa avo dingana, hatonina kely fingotra
yveratsimb
149. Tsy misy adala tahaka ny akoho, fa nony hariva ny andro, mahalala mody
yveratsimb
150. Tahaka ny kibon'omby ririnina, ka mitondra tapany lava
yveratsimb
© Eugene Heriniaina - serasera.org 1999 - 2025 - page load 0.0898