Lisitry ny ohabolana - ohabolana.org

1891. Raha olona iray no tsy tia dia mitotoa koba hatavy, fa raha ny be sy ny maro no mankahala dia misotroa tsingala ho faty.

soanja

1892. Mihinan-dany roa toy ny dinta ka mampirafy raharaha.

soanja

1893. Voky dia mkodia, ohatra ny kongona.

soanja

1894. Parasy no mivelona amim-bahiny.

soanja

1895. Volongita manafin-kao.

soanja

1896. Tsy ny fangilohilon'ny voantay na ny fahavasoky ny voangory.

soanja

1897. Ny fitiavam-boangory tsy anenjeham-boantay.

soanja

1898. Lolokely an-tanin'andro. ka hivelabelatra dia izy ihany, hikombokombona dia izy ihany.

soanja

1899. Matin-delany toy ny samoina.

soanja

1900. Tsingaradona an-tanimena ka tsy matavy fa sesiky ny tsinainy.

soanja

1901. Ambolo bitaka, ambolo matavy, zava-tsy hay tsy ibitabitahana.

soanja

1902. Misambom-balala ho anjanak'olona.

soanja

1903. Taitra tampoka toy ny nokakerin'ny fihitra.

soanja

1904. Tefy tanimanga ka aleo tovonana toy izay anesorana.

soanja

1905. Toy ny mpanefy, mikapo-dalitra ambony lovia ka mamoy sasanangy tsy satry.

soanja

1906. Ny lohasaha fandrianny moka.

soanja

1907. Manao tahaka ny angely, ka milaza mbamin'ny elany.

soanja

1908. Very amin'ny adin'angely ny adin'ombalahy.

soanja

1909. Hano, kaikero! tsakotsakoy, raha resin'io ialahy tetitetehiko, avalako rano, omeko ny amboa, fa raha mahery rahavako voahangy, ividianako lamba, babeko maraina, tantanako hariva! Ndrofy lahy e! - Ireto teny fampiadiana angely fahizay.

soanja

1910. Fikitra mampiady ny angely.

soanja

1911. Tsy miady ny angely raha tokam-pilana.

soanja

1912. Tain'angely, ka samy mailika izay eo ambaravarany.

soanja

1913. Angavamena, ka samy mitsilo ny lalan-kalehany.

soanja

1914. Ny fandrotrarana no nandavo, ka ny tahalaka no haetry.

soanja

1915. Ny fanambadiana tsy nafehy fa nafandrotra.

soanja

1916. Toy ny tsevoka, ka vao teraka dia mitan-defona.

soanja

1917. Tsy mba sompanga miantendro vero fa tsimbotry mandady amin'ny tany.

soanja

1918. Ombalahy resy an'ady ka mifiaka ny atsoro maina.

soanja

1919. Vary amin'anana ilaofan-tsakay, ka tiana hasiaka ny malaolao.

soanja

1920. Anamamy no niraisana ka beroberoka no isarahana.

soanja