Lisitry ny ohabolana misy hoe ihany

211. Raha hendry hianao dia hendry ho an'ny tenanao ihany, raha maditra hianao dia hianao irery no hiharan'izany

niryna

212. Miriorio ny angindina fa any an-kady ihany no hihafarany

niryna

213. Toy ny tain'alika ka ny avo ihany no hivovonana.

niryna

214. Ny vava tsy voatandrina ahitan-doza, ka na ny adala aza rehefa tsy miteny toa hendry ihany.

niryna

215. Aza setroky ny afo aroson'ny hafa ihany

niryna

216. Ny hendry mody voky, ny adala misesika ihany.

aivetinakely

217. Androngo mitanina andro ambony vato, ny lamosina zaka ihany fa ny kibo no may aloha.

aivetinakely

218. Izay sahy maty ihany no mifono lamba mena.

niryna

219. Fitaka ny fahatsaram-bika ary zava-poana ny fahatsaran-tarehy.Fa ny vehivavy matahotra an'i Jehovah ihany no ho deraina

niryna

220. Manaova tahaka ny tsintsina, kely ihany fa mitombandahy.

aivetinakely

221. Mody milaza tsy miady kanefa ny kobay an-kelika ihany.

niryna

222. Andriamanitra tsy andrin'ny hafa handriko ihany

niryna

223. Toy ny sikidy saka:ny fo iray ihany, fa ny loha no samy hafa

niryna

224. Tsy misy malahelo tahaka ny maty vady fa rehefa manitsaka afo, mihinjaka ihany.

aivetinakely

225. Ny asa tsara dia tsy noho ny hery irery ihany fa noho ny fikirizana

niryna

226. Tsy avelan'ny anaran-kisaraka toa raty, efa lasa ka mbola ratin'akondro ihany.

ikalamako

227. Tahaka ny kitoza ny fiainana, ka izay mahadinidinika azy ihany no mandre ny tsirony.

aivetinakely

228. Voninahitra omena ny tantely fa ny vomanga mba mamy ihany.

niryna

229. Tombon-dalana ny lasa, fa lalan-kiarahana ihany.

niryna

230. Ny fay sy ny tamana dia iray ihany.

niryna

231. Zanahary nanao ny voay, tsy izay hahatsara azy fa izay hampateza azy ihany.

aivetinakely

232. Mpivaro-drano tratr'orana, ka tratry ny nataony ihany

aivetinakely

233. Mpantsaka mahay mandihy, mahay ihany fa ambanin'ny siny.

aivetinakely

234. Mody hoe tsy miady, tsy miady kanefa ny kobay hakelika ihany.

niryna

235. Mody hoe tsy miady, tsy miady kanefa ny kobay akelika ihany.

niryna

236. tia ihany ka be malo.

niryna

237. Tain'alika ka ny avo ihany no tovonana.

niryna

238. Menatra ny efa nisaraka ka mitsanga-miankina ihany.

niryna

239. Toy ny rivotra an-kadilalana;ny ho avy avy, ary ny tsy avy misesika ihany.

niryna

240. Aza atao fitia voangivy, mbola lavitra ihany ka kivy.

niryna