Liste des proverbes - ohabolana.org

3601. Basy atifi-kavana, tsy afenina fa arangaranga.

aivetinakely

3602. Izay mandeha roa salahain'olombelona, ny mandeha irery salahain-Janahary.

aivetinakely

3603. Asa atao an-kira, vita toa tsy natao.

aivetinakely

3604. Ny anarana tanim-boanjo, ka samy mamaritra izay zakany.

aivetinakely

3605. Sora-damba antsena ny fitiavana, ka samy mifidy ny tiany.

aivetinakely

3606. Ny any am-pon'ny vilany, tsy any am-pon'ny siny.

aivetinakely

3607. Ny alahelon-dehilahy tsy mihoatra ny herinandro, ny alahelom-behivavy mihoatra ny tapa-bolana.

aivetinakely

3608. Kabarin-tsaka ka ny tso-drano no be.

aivetinakely

3609. Voky maraina tahaka ny omby hamidy.

aivetinakely

3610. Mason-tsora ny fananana, ka ny kely ananana no ahiratra.

aivetinakely

3611. Maka volon-tany tahaka ny trandraka milevina an-tanimena.

aivetinakely

3612. Ny anambadian-kiadanana, ny iterahan-ko sambatra.

aivetinakely

3613. Ny anambadian-kiterahana, ny iterahan-ko dimby.

aivetinakely

3614. Tsy misy zavan-tsy zaka tahaka ny fanambadiana natao an-terisetra.

aivetinakely

3615. Zaza teraka alina, hafa ny ao ampony hafa ny ao ampoko.

aivetinakely

3616. Mpirahalahy mian'ala, izy tokiko, izaho tokiny.

aivetinakely

3617. Mpirahalahy mizara dian'omby, tsy vaky fa mitriatra.

aivetinakely

3618. Manan-joky afaka olan-teny, mana-jandry afaka olan'entana.

aivetinakely

3619. Aza mitono tena tahaka ny lolofotsy.

aivetinakely

3620. Havan-tiana tsy iaraha-monina.

aivetinakely

3621. Tantely amam-bahona ny fiainana.

aivetinakely

3622. Raha sery vitan'ny anamalaho, aza amonoana vatotr'akoho.

aivetinakely

3623. Aza mifanipaka anatiny tahaka ny valala an-karona.

aivetinakely

3624. Nahita ny akanga tsara soratra ka nanary ny akoho tamàn-trano

aivetinakely

3625. Mitoto vary diavolana ka maka fanahy ny akoho.

aivetinakely

3626. Aza mivezivezy toa firaka atakalo

aivetinakely

3627. Aza manao toy ny veromanitra, mangiloilo fa mora tapaka.

aivetinakely

3628. Tantely afa-drakotra ka anjakàn'ny adala.

aivetinakely

3629. Aza miafina nefa misy mahita, toy ny mpamosavy mandeha alina

anahely

3630. Trano bongo misy ronono toa sarotra atao malahelo

anahely