Lisitry ny ohabolana - ohabolana.org

3541. Voky maraina tahaka ny omby hamidy.

aivetinakely

3542. Mason-tsora ny fananana, ka ny kely ananana no ahiratra.

aivetinakely

3543. Maka volon-tany tahaka ny trandraka milevina an-tanimena.

aivetinakely

3544. Ny anambadian-kiadanana, ny iterahan-ko sambatra.

aivetinakely

3545. Ny anambadian-kiterahana, ny iterahan-ko dimby.

aivetinakely

3546. Tsy misy zavan-tsy zaka tahaka ny fanambadiana natao an-terisetra.

aivetinakely

3547. Zaza teraka alina, hafa ny ao ampony hafa ny ao ampoko.

aivetinakely

3548. Mpirahalahy mian'ala, izy tokiko, izaho tokiny.

aivetinakely

3549. Mpirahalahy mizara dian'omby, tsy vaky fa mitriatra.

aivetinakely

3550. Manan-joky afaka olan-teny, mana-jandry afaka olan'entana.

aivetinakely

3551. Aza mitono tena tahaka ny lolofotsy.

aivetinakely

3552. Havan-tiana tsy iaraha-monina.

aivetinakely

3553. Tantely amam-bahona ny fiainana.

aivetinakely

3554. Raha sery vitan'ny anamalaho, aza amonoana vatotr'akoho.

aivetinakely

3555. Aza mifanipaka anatiny tahaka ny valala an-karona.

aivetinakely

3556. Nahita ny akanga tsara soratra ka nanary ny akoho tamàn-trano

aivetinakely

3557. Mitoto vary diavolana ka maka fanahy ny akoho.

aivetinakely

3558. Aza mivezivezy toa firaka atakalo

aivetinakely

3559. Aza manao toy ny veromanitra, mangiloilo fa mora tapaka.

aivetinakely

3560. Tantely afa-drakotra ka anjakàn'ny adala.

aivetinakely

3561. Aza miafina nefa misy mahita, toy ny mpamosavy mandeha alina

anahely

3562. Trano bongo misy ronono toa sarotra atao malahelo

anahely

3563. Manaova toy ny rano sy vary, ka an-tsaha tsy mifanary, an-tanàna tsy mifandao

anahely

3564. Manararaotra sahala amin'ny banga mihomehy alina

anahely

3565. Matin-kaninkely toa amalona.

aivetinakely

3566. Ny adalan'olona ihomehezana fa ny an'ny tena tafian-damba.

aivetinakely

3567. Maimay tahaka ny boka hanam-bady, kanefa na ny tànana hanafosafo tsy misy.

aivetinakely

3568. Manaova tahaka ny tsintsina, kely ihany fa mitombandahy.

aivetinakely

3569. Ataovy tanin-dreniomby sady mimà no mirao-bilona.

aivetinakely

3570. Aza manao lelan'omby sady ambava no am-body.

aivetinakely