Lisitry ny ohabolana - ohabolana.org

571. Az a atao fihavanan'alika ka taolana iray no isarahana

aivetinakely

572. Ny miloloha vato tsy mihalana, hono, mankarary an-doha ; ny matory tsy milafika mankarary tehezana.

aivetinakely

573. Ny lavanify mihinan-taolana no tafaray samy mafy, fa ny banga mifanaikitra no tsy ahitàna izay dia-nify

aivetinakely

574. Ny langoraona sy amponga no tsy mitovy feo mifanaraka, ary ny kintana sy ny volana no samihafa famiratra mifanotrona.

aivetinakely

575. Rafotsibe maty andron'andriana sady tsy aty no tsy any Ambondrom-be.

aivetinakely

576. Aleo halan'andriana toy izay halam-bahoaka.

aivetinakely

577. Ny lehilahy tsy boka herin-taona.

aivetinakely

578. Aza manao tondraka anio manan-jara.

aivetinakely

579. Izay mamafy rivotra mijinja tadio.

aivetinakely

580. Manetsa mahalana ka mijinja izay atao.

aivetinakely

581. Tovolahy mahita fotsim-bary:arotsahy, arotsahy ihany.

aivetinakely

582. Havako raha misy patsa, fa raha lany ny patsa havan-tetezina.

aivetinakely

583. Adin'ombalahin'ny mpianakavy, ka ny mahery tsy hobiana, ny resy tsy akoraina.

aivetinakely

584. Ny varotra tsy raikitra tsy maharatsy fihavanana.

aivetinakely

585. Tongotra mby an-dakana, ka tsy miverin-dalana intsony.

aivetinakely

586. Aza mitsentsitra ny hafa ohatra ny dinta.

aivetinakely

587. Maty mamela mamy, toy ny tantely.

aivetinakely

588. Taon-jezika an-kady ka aina no fetra.

aivetinakely

589. Saonjo iray lohasaha, tsy ilaozan'izay hamarara.

aivetinakely

590. Tari-drano ankilahila, ny mania no betsaka.

aivetinakely

591. Ny volana manakona masoandro no miteraka aloka sy haizina, fa ny masoandro be lohataona no manome hazavàna ka tsy manan-kasosorana amin'olona.

aivetinakely

592. Aza lany andro eo am-pisangian-takotra toy ny boka mangala-pihinana, na ho variana mamahan-kary toy ny mpamosavy vao miana-draharaha.

aivetinakely

593. Misy andro tokony hanginana, ary misy fotoana tokony hitenenana, toy ny katsaka ela nihantonana sy tsaramaso ela nihahazana, ka miandry ny fotoana hitsiriany.

aivetinakely

594. Tsy ny atody lamokany handoto ny rivotry ny mpianakavy, fa ny atody foy efa zary zanany, mikiokioka vao hary elatra.

aivetinakely

595. Ny valiha no tsy mifehy loha tsy marary;ny tongobolo no tapenam-bava tsy miteny;ny ombalahy tanimanga no tsy afa-mitrena soloam-bava.

aivetinakely

596. Ny tany sy lanitra no tsy nikambana, hisian'ny rivo-pamelona, ny vary sy rano no tsy mifandao, natao hifameno.

aivetinakely

597. Ikopa no renirano malaza, ampian'ny tatatra arivo saha, ny foto-kazo no midoroboka, ny sampany sy ny rantsany no misandrahaka.

aivetinakely

598. Tsy mety ny manao toy ny ganagana, ka ny lahy hitarika indray no kely feo.

aivetinakely

599. Ianareo vorona manim-poto-kazo, izahay hazo miandry voron-kitoetra.

aivetinakely

600. Sola tsy noratraina, hono, ny akanga, menaloha tsy voadidy ny akoholahy, ary ny tandroka tsy niala tamin'ny loha omby, tsy takaitra fa voajanahary.

aivetinakely