Lisitry ny ohabolana - ohabolana.org

631. Rehefa tsy mety ny atao, na ny patsa iray tsy omby vava.

aivetinakely

632. Rehefa mety ny atao, na ny saho-bakàka aza mampidi-dranon-ketsa.

aivetinakely

633. Izay manome ny mahantra, mampindrana an'Andriamanitra.

aivetinakely

634. Aza mahay roa tahaka ny lelan'omby, ka sady ambava no ambody.

aivetinakely

635. Ny hendry mody voky, ny adala misesika ihany.

aivetinakely

636. Bolokilahy homam-boan-tseva, mamy ny atsy, fy ny aroa.

aivetinakely

637. Rafotsibe matahotra sokina, ka voditrongo aby ka handosirana.

aivetinakely

638. Rafotsibe leom-boananana ka tsy tia zava-boribory.

aivetinakely

639. Ny fitiavana tahaka ny ketsa ka mora afindra.

aivetinakely

640. Na manan-karena tahaka ny inona aza, tsy fanao ny manasa tongo-dronono, na manontsam-bava tantely.

aivetinakely

641. Androngo mitanina andro ambony vato, ny lamosina zaka ihany fa ny kibo no may aloha.

aivetinakely

642. Vero itaingenam-pody, tsy folaka fa mandefitra.

aivetinakely

643. Vatolahin'Ambohimanga, mitanina andro tsy haraka, milevina tsy lo.

aivetinakely

644. Tsy misy zava-mahamenatra mihoatra ny mitari-bady tsy lasam-bodiondry.

aivetinakely

645. Aza manao toy ny ranon'Ikopa, tonga namana vao mavomavo.

aivetinakely

646. Donak'afon'Analakely avy hatrany dia any am-bovonana.

aivetinakely

647. Volon'akoho lena ka ny vava no enti-manifika.

aivetinakely

648. Akoholahy miady am-pasika ka samy miaro ny masony tsy ho ditsoka.

aivetinakely

649. Aza ny namanao no ifaninananao fa ny tsara vitanao omaly.

aivetinakely

650. Trano bongo misy ronono ka sarotra atao malahelo.

aivetinakely

651. Ny vola tahaka ny ranon-tsira ka arakaraka ny isotroana azy no vao maika mampangetaheta

aivetinakely

652. Tezera-manatona tahaka ny vady aman-janaka.

aivetinakely

653. Ray aman-dreny sy zanaka, tambazako izay mahafoy.

aivetinakely

654. Fatra-pifidy ny manganagna ka tojo ny mangidy tsy telina.

aivetinakely

655. Maty mangina toa otrik'afo.

aivetinakely

656. Ny nenina tsy aloha hananatra fa afara handatsa.

aivetinakely

657. Fandrotrarana antanàna haolo ka mandimby ray tsy satry.

aivetinakely

658. Aza atao misomidika ambony toa menaka ny fihavanana fa ataovy latsaka anaty toa tsoka.

aivetinakely

659. Tanora ratsy fihary ka antitra vao ratsy laoka.

aivetinakely

660. Aza manao tahaka ny tsipolitra ka antitra vao tia sangy.

aivetinakely