Lisitry ny ohabolana - ohabolana.org

6241. Ny heloka nilaozana tonga hitsiny, fa ny rariny itompoana tonga raiben-keloka.

lanto

6242. Ny nenina tsy mipetraka hatao Mbay làlana, ary tsy mitsidika hatao Mandrosoa, fa aoriana vao mandatsa.

lanto

6243. Ny nenina tsy aloha fa aoriana.

lanto

6244. Matin-kena-maso, ka mihinam-barim-boka.

lanto

6245. Soa kenda hahay mitsako; soa lavo hahay mamindra.

lanto

6246. Mahery tsy maody tsy ela velona.

lanto

6247. Fy ny toho, fy ny amalona, fa ny lelako tsy ataoko jono.

lanto

6248. Manontany tsy loza, manjohy tsy atambo.

lanto

6249. Ramalina aza mifehy hazo tokana.

lanto

6250. Aza dia miandry teza ho potraka

hery

6251. Ny mahery tsy maody tsy ela velona

hery

6252. Tsy mba ny tsy avy no andrasana, fa ny vono-kalaina

hery

6253. Izay mitambatra vato, izay misaraka fasika

hery

6254. Ny mita be tsy lanin'ny mamba.

lanto

6255. Ny maty aza te-ho maro.

lanto

6256. Asa vadi-drano tsy vita tsy ifanakonana

hery

6257. Ny hevitra tsy azo tsy amin'olombelona

hery

6258. Aza ny havana no asian-dratsy, fa tsy ho tratry ny hafa tsy akory.

lanto

6259. Aza mandalo tanà-misy havana.

lanto

6260. Aza manao fihavanan'amboa ka taolana iray no isarahana.

lanto

6261. Aza manao fihavan-molotra : tezitra vao mifanantona.

lanto

6262. Aza manao fitia rano trambo : be fihavy fa mora lasa.

lanto

6263. Ataovy fihavanam-bava sy tanana : raha marary ny tanana mitsoka ny vava, raha marary ny vava misafo ny tanana.

lanto

6264. Fitia mifamaly mahatsara ny fihavanana.

lanto

6265. Aleo very tsikalakalam-bola toy izay very tsikalakalam-pihavanana

lanto

6266. Ny ahiahy tsy ihavanana.

lanto

6267. Saonjo iray lohasaha, tsy ilaozan'izay mamarara.

lanto

6268. Ny adidy tsy an' olon-dratsy.

lanto

6269. Tsy nisy nanao soa ohatra ny vilany, fa raha vaky, natao fanotrehana akoho.

lanto

6270. Izay mahavangivangy tian-kavana.

lanto