Lisitry ny ohabolana

Lisitry ny ohabolana rehetra

Hampiditra ohabolana
6481. Sorohitra mitaingina ambony antsoro, ka ny malemy ihany no tsindriany.
hery
6482. Vilany be nandrahoan-kena tsy hilaozan' izay motimotiny ho diso
hery
6483. Tsy ny hosoran-tsakay no mangidy hoditra, ary tsy ny hosoran- tantely no mamy hoditra, fa ny atao no mahasoa sy maharatsy
hery
6484. Ataovy fitia landihazo: ka ny madilana tentenana, ary ny màito tohizana.
hery
6485. Aza malaina manao zavatra; fa ny mosary indray maraina tsy efa foana.
hery
6486. Tsy mba ny rambony hanamavo ny vodiny aho, fa ny lelany hanamandina ny trafony
hery
6487. Ny olombelona ohatra ny ladim-boatavo, raha fotorana iray ihany.
lanto
6488. Ny olombelona toy ny molo-bilany ka iray mihodidina ihany
lanto
6489. Aza manao toy ny jorery, ny feo mampita lohasaha, fa ny tenany tsy ampy indraim-bava.
hery
6490. Vitsika nahazo valala, tonga ny entana fa ny vava no tsy omby
hery
6491. Akoho mikotrika atodim-borona, ka miongo-bolo amin'ny tsy ho an'ny tena
hery
6492. Ataovy fitian-dranon'erika: madini-piavy fa mahatondra-drano
hery
6493. Toy ny osivavy somorina : ny lova tamin-dray tsy avela, ary ny hetra tamin-dreny tsy diso.
hery
6494. Tsy misy hianteherana toa bozaka; tanora, sakafon'ny omby; antitra, sakafom-patana
hery
6495. Aza manao fihavanan-karena, ka tomany handratra ny sasany
hery
6496. Toto vary lena ka samy te-ho lohany
hery
6497. Aza ny toho mihahy no tazanina fa ny lefo-mitsangana.
hery
6498. Aza ny tarehiko mavomavo no jerenao fa ny havako an-dilambato heverina
Fanja1
6499. Tahaka ny jiafotsy : vao tsy ilaozan-kasokasoka, rovitra tsy hilaozan-dromoromo
hery
6500. Didy maso tsara ondana, ka mandrimandry manana aretina.
hery
6501. Vary vokatr'ibetsimitatatra, ka na tompony na tsy tompony samy mitazana avokoa
hery
6502. Aleo kely fanahy sitrak'olona, toy izay be fanahy maty foana
hery
6503. Aza manao masoandro ririnina, manjombona andro hihaonana ; fa aleo masoandro be lohataona, ka tsy mba manam-pahasosorana
hery
6504. Toy ny mitari-drano ririnina : miala amin'izay nitoerany, fa tsy tonga amin'izay alehany
hery
6505. Ny olombelona toy ny embok'akondro, raha manondro ny lanitra, iray ihany, fa raha miondrika, samy manana ny lafiny.
hery
6506. Aza ny vato handràtra ny loha ihany no sainina, fa mba hevero koa ny fasika handitsoka ny maso.
hery
6507. Ny fihavanana tahaka ny volon-kotona, hatonina, manalavitra, halavirina manatona
hery
6508. Ny olona marina ohatry ny vato lava sorona, ka izay ametrahana azy marina avokoa
hery
6509. Aza manao toy ny voavahy : tsy mahajoro tena, fa mitomany hisarangotra ny sasany.
hery
6510. Tahaka ny tokon-kena ny fanambadiana, ka ao ny sendra ny trafony, ary ao kosa ny sendrany lohaliny.
hery
© Eugene Heriniaina - serasera.org 1999 - 2025 - page load 0.0196