Lisitry ny ohabolana misy hoe lahy

Lisitry ny ohabolana, ohabolana misy hoe lahy

Hampiditra ohabolana
91. Ny andevolahy kapila voahitsaka, ny andevovavy vomanga an-kotrika.
soanja
92. Aza mikapa sakaiza hoatra ny andevolahy homan-tain-jiro.
soanja
93. Aza manao toy ny andevolahy mahay valiha; asai-manao tsy mety, nony tsy irahina, manao.
soanja
94. Andevolahy mampirafy, manita-draharaha.
soanja
95. Adin-tsain-dRalahy tokana, ny vady tiana ny reny tsy foy
kiriah
96. Gisalahy lasa namana ka ny sisa mihiaka ihany.
soanja
97. Voronombalahy ka ambony miray lanitra, ambany miray lavaka.
soanja
98. Fody lahy ririnina ka mitovy volo amin'ny sorohitra.
soanja
99. Fody lahy mena vary ka manandrana alohan'ny tompony.
soanja
100. Teraka iray botry, teraka iray botry, i Faralahy no lava indrindra.... ny lahin-taretra.
soanja
101. Mpaka rofia nahazo jiolahy ka vonona ny kofehy hamatorana.
soanja
102. Ralehilahy tia harahara, ravehivavy tia vodin-tenona.
soanja
103. Tsindranolahy an-keniheny ka ny tama-miray ihany no miaraka.
soanja
104. Mpanompolahy latsaka avara-patana ka saro-miala.
soanja
105. Ankoatra ny bonga toa hisy jiolahy, ambadiky ny avo toa hisy tafika.
soanja
106. Vezo lahy mena maso ka tsy toaka akory fa voa-janahary
kiriah
107. Gisa lahy mangala-ketsa ka izy mangalatra indray no avo vava
kiriah
108. Fiarin amboa lahy antitra ka aleo lo toy izay ho ankavana
kiriah
109. Toy ny sahona ka mitoetra toa lahiantitra, mivikina toa tovolahy.
soanja
110. Very amin'ny adin'angely ny adin'ombalahy.
soanja
111. Hano, kaikero! tsakotsakoy, raha resin'io ialahy tetitetehiko, avalako rano, omeko ny amboa, fa raha mahery rahavako voahangy, ividianako lamba, babeko maraina, tantanako hariva! Ndrofy lahy e! - Ireto teny fampiadiana angely fahizay.
soanja
112. Ombalahy resy an'ady ka mifiaka ny atsoro maina.
soanja
113. Osilahy mitety harana.
soanja
114. Ombalahy nihehy votry, ka kimavon'ny nataony.
soanja
115. Ondry lahy diso ketsa, ka izay sahy manome lasiventy.
soanja
116. Ondrilahy tsindrim-barotra ka na ngeza aza tsy mahaleo ny tenany.
soanja
117. Ondrilahy manantena tampon-kandrina.
soanja
118. Aoka tsy hanao toy ny mpirafilahy miray fandriana, ka tsy afaka hiray lamba, na samy te-hiady amin'ny hatsiaka aza.
Razatovo
119. Tsy mba mipitrapitra mampalahelo fa mivandravandra mampatahotra toy ny tanalahy
niryna
120. Dadilahy be lava voto zao hoe, ka laha mila ampela phrase raiky avao:"Aty jerena ambany maso!"
sylvoalias
© Eugene Heriniaina - serasera.org 1999 - 2026 - page load 0.0175