Lisitry ny ohabolana misy hoe añy

Lisitry ny ohabolana, ohabolana misy hoe añy

Hampiditra ohabolana
151. Aza manao hoe : " an'ny lehilahy ihany", na hoe " an'ny vehivavy ihany"
yveratsimb
152. Lahy antitra kendan’ovy : tsy atolak’olona, fa matin’ny nasesiky ny tànany
yveratsimb
153. Haitraitran'olombelona, zaka-Nanahary, fa Andriamanitra ihany no mandidy.
yveratsimb
154. Aza atao fitiavan-jaza ka androany aho tia, rahampitso aho bedin'ny dada, afaka ny ampitso aho tia olon-kafa.
yveratsimb
155. Aza atao fitia voangivy, mbola lavitra ihany ka kivy
yveratsimb
156. Akoholahy jamba ka ampiadiana tsy mety miady, apetraka mitsaingoka ny namany.
aivetinakely
157. Volom-bodin'akoholahy: malaza tsara ihany fa aorian'ny namany.
aivetinakely
158. Lany hatoka hoatra ny akoholahy matin'ady.
aivetinakely
159. Mpisakaiza amim-bazimba malahelo, ka ny akoholahy lany, ny fitahiana tsy misy.
aivetinakely
160. Mitery omby tsy mirohy hoatra an-dRabemalo, ka ho fatin'ny daka no farany
yveratsimb
161. Lanonam-pahavaratra ka ny maraina ihany no izy
yveratsimb
162. Ron' i Mandiavato ; ny sisa tsy lany anasa-tongotra
yveratsimb
163. Any Antsahadinta no voky tsaramaso, ka any Ambatolaona no mizihi-kibo
yveratsimb
164. Mahafoy erany ka tsy mahafoy mihintsana
yveratsimb
165. Any ny kipikipy zato vao tonga ny voron-tsara dia
yveratsimb
166. Tsy misy nivavaka niankandrefana, fa samy nianavaratra ihany ; fa ny harena mila vintana, ka raha tsy anjara, tsy tonga.
yveratsimb
167. Ny olombelona toy ny embok' akondro : raha manondro ny lanitra, iray ihany ; fa raha miondrika samy manana ny lafiny
yveratsimb
168. Aza manao toy ny tandindona, miaraka ihany, fa tsy azo ho namana.
yveratsimb
169. Ny fo tsy mandringa, ka raha mandalo aho mitsidika ihany
yveratsimb
170. Tsy nisy nanao soa ohatry ny vilany, fa raha vaky, natao fanotrehana akoho
yveratsimb
171. Manaova soa ampiantany, fa misy hiankinana ; ary manaova soa vato, fa misy hipetrahana.
yveratsimb
172. Sobiky rindra notampenan-kerana, ka ny azy fanahy iniany
yveratsimb
173. «Veloma» tsy mba adidy : sakafo lany tsy mba andraikitra.
yveratsimb
174. Aza manao fitia paraky, ka hatreo am-bava no ho miakatra ihany
yveratsimb
175. Atody tsy afindra reny ; ro tsy afindra vilany
yveratsimb
176. Toy ny rano am-pasika ; natao tsy hisy fa nisy ihany
yveratsimb
177. Jejo mitaratra ka lany andro eo ampifidianana.
aivetinakely
178. Tsy misy manao soa tahaka ny vilany , fa rehefa lany ny mamy ahohoky ny sasany.
aivetinakely
179. Trandraka milevina, ny volontany tsy ariana.
aivetinakely
180. Ombilahy isangodinan'ny menarana, ka raha omby ny vavany tonon'andro ny ho faty.
aivetinakely
© Eugene Heriniaina - serasera.org 1999 - 2025 - page load 0.1364