Lisitry ny ohabolana misy hoe Anà

Lisitry ny ohabolana, ohabolana misy hoe Anà

Hampiditra ohabolana
3481. Izay mahavangivangy tian-kavana.
lanto
3482. Ny hery tsy mahaleo ny fanahy.
lanto
3483. Tsy hivady angaha no manao ianareo
sahoby
3484. Tolo-kena maty jiro, ka vintana no andrasana.
lanto
3485. Ny faniriana tsy takatry ny vintana.
lanto
3486. Maizina ny andro, azo tsilovina; lalina ny rano azo lakanana; lalina ny hady, azo toharina; fa ny ratsy atao tsy mba azon-kevitra
hery
3487. Tsy nisy nivavaka niankandrefana, fa samy nianavaratra ihany; ny harena mila vintana ka raha tsy anjara, tsy tonga.
lanto
3488. Ny fihavanana toy ny raty: raha henjanina, tapaka; ary raha ketrahina miboraka
hery
3489. Tandremo ny hanan-drariny ; fa ny olombelona toy ny tsingala sy ny dinta, ka saromifanaikitra
hery
3490. Aza manao kitapo hamelana ny lolompo, na hadivory hasiana ny fitaka
hery
3491. Raha razana tsy hitahy, fohazy hihady vomanga
lanto
3492. Ataovy fitia landihazo: ka ny madilana tentenana, ary ny màito tohizana.
hery
3493. Aza malaina manao zavatra; fa ny mosary indray maraina tsy efa foana.
hery
3494. Tsy mba ny rambony hanamavo ny vodiny aho, fa ny lelany hanamandina ny trafony
hery
3495. Ny olombelona ohatra ny ladim-boatavo, raha fotorana iray ihany.
lanto
3496. Aza manao toy ny jorery, ny feo mampita lohasaha, fa ny tenany tsy ampy indraim-bava.
hery
3497. Vitsika nahazo valala, tonga ny entana fa ny vava no tsy omby
hery
3498. Tsy misy hianteherana toa bozaka; tanora, sakafon'ny omby; antitra, sakafom-patana
hery
3499. Aza manao fihavanan-karena, ka tomany handratra ny sasany
hery
3500. Aza ny toho mihahy no tazanina fa ny lefo-mitsangana.
hery
3501. Didy maso tsara ondana, ka mandrimandry manana aretina.
hery
3502. Vary vokatr'ibetsimitatatra, ka na tompony na tsy tompony samy mitazana avokoa
hery
3503. Aleo kely fanahy sitrak'olona, toy izay be fanahy maty foana
hery
3504. Aza manao masoandro ririnina, manjombona andro hihaonana ; fa aleo masoandro be lohataona, ka tsy mba manam-pahasosorana
hery
3505. Ny olombelona toy ny embok'akondro, raha manondro ny lanitra, iray ihany, fa raha miondrika, samy manana ny lafiny.
hery
3506. Ny fihavanana tahaka ny volon-kotona, hatonina, manalavitra, halavirina manatona
hery
3507. Ny olona marina ohatry ny vato lava sorona, ka izay ametrahana azy marina avokoa
hery
3508. Aza manao toy ny voavahy : tsy mahajoro tena, fa mitomany hisarangotra ny sasany.
hery
3509. Tahaka ny tokon-kena ny fanambadiana, ka ao ny sendra ny trafony, ary ao kosa ny sendrany lohaliny.
hery
3510. Aza manao ganagana lahy : ny mitari-dalana indray no mihakely feo.
hery
© Eugene Heriniaina - serasera.org 1999 - 2025 - page load 0.3604