Lisitry ny ohabolana misy hoe Anà

3451. Maika tsy faingana toy ny dian'ondry

McFy

3452. Maty manao soa izy, mandefitra vao vaky loha

McFy

3453. Vorom-bazaha misasa, ka samy manao izay saim-pantany

McFy

3454. Aza lozabe manana anaka, andrao tsy manan-dray ny zaza

McFy

3455. Ramalina aza mifehy hazo tokana

McFy

3456. Aza mamelon-jana-baratra andrao iriatany

McFy

3457. Aleo manontanitany foana hihomehezana toy izay manaonao foana hotezerana

McFy

3458. Tsikovoka sy fandiorano, volo no iraisana, fa ny fomba samy manana ny azy

McFy

3459. Zaza fito tsy mahafehy trano fa ny fanahy fito no mahafehy trano.

jentilisa

3460. Zaza no tsy hilalao mandihiza ho tanora. Tanora no tsy handihy mitafà ho lehibe. Lehibe tsy hiresaka midira ho antitra. Antitra tsy hitso-drano, mitahian-ko razana, fa raha razana tsy hitahy mifohaza hiady vomanga

jentilisa

3461. Trafon-kena ome-mahery, am-bava homana am-po mieritra

jentilisa

3462. Faniriana an'olombelona zaka an'Nanahary

jentilisa

3463. Mitari-drano ankilahila ka ny very an-dalana no betsaka

jentilisa

3464. ny anateran-kira indray ve no milaza ho tsy mahay

jentilisa

3465. Fanambadiam-boalavo ka samy mikepoka izay azony

jentilisa

3466. Aza manao havana raha misy patsa

jentilisa

3467. Horirik'Ambohimanambola: aleo lo toy izay ho an-kavana

jentilisa

3468. Nanasa vahiny tsy tonga, sady voky no afaka adidy

jentilisa

3469. Ataovy toy ny dian-tanalahy, tsinjovina ny eo aloha, jerena ny aoriana.

jentilisa

3470. Malaza ho avy any Namehana ka tsy mitondra voasary ho an-jaza

jentilisa

3471. Ny fanahy no maha-olona

jentilisa

3472. Hazo sy vorona, izay manina no manatona

jentilisa

3473. Vava-kisoa misy sira ka tokinao hihinana azy!

jentilisa

3474. (Aza manao) kely tsy mba mamindro

jentilisa

3475. Ny adalan'ny olona ihomehezana fa ny adalan'ny tena itafian-damba.

jentilisa

3476. ny anarana tanim-boanjo ka samy mamaritra izay tiany.

jentilisa

3477. Izay mena valala, izay tiana malala

jentilisa

3478. Na amboako na amboan'olona rehefa vandana dia kary

jentilisa

3479. Rafotsibe leom-boananana ka tsy tia zava-boribory intsony

jentilisa

3480. Sahirana amin'ny zavatra tsy an-tena toy ny akoho nitarika zana-gana!

jajaf401