Lisitry ny ohabolana misy hoe Anà

3361. ny anongotsongoana ny maty, tahotry ny handevim-belona.

jentilisa

3362. Adin'ombalahin'ny mpianakavy, ny resy tsy akoraina ny mandresy tsy hobiana.

jentilisa

3363. Raha maty aho matesa rahavana, raha maty rahavana matesa ny omby.

jentilisa

3364. Izandry no mody zoky, matahotra ny hitondra entana. Izoky no mody zandry, matahotra ny hikabary.

Avahi

3365. Ikotokely milalao kary ka ny filalaovana ihany ny ahy fa ny kary an-dRafotsibe

Avahi

3366. Tsy misy hianteherana toa bozaka, tanora sakafon’ny omby, antitra sakafom-patana

Avahi

3367. Tapi-dalan-kaleha otran'ny sokina nanani-bato

sasa

3368. Rafotsibe kendam-bomanga ka matin'ny nasesiky ny tanany

hery

3369. Ny fihavanana ohatra ny landy, maty isika ifonosana, velona itafiana, ka ny madilana arahim-panondro

McFy

3370. Ny fihavanana toy ny fasam-bazimba ka izay mandrava aloha no kely ila

McFy

3371. Ny fihavanana tsy azo vidiana

McFy

3372. Maika tsy faingana toy ny dian'ondry

McFy

3373. Maty manao soa izy, mandefitra vao vaky loha

McFy

3374. Vorom-bazaha misasa, ka samy manao izay saim-pantany

McFy

3375. Aza lozabe manana anaka, andrao tsy manan-dray ny zaza

McFy

3376. Ramalina aza mifehy hazo tokana

McFy

3377. Aza mamelon-jana-baratra andrao iriatany

McFy

3378. Aleo manontanitany foana hihomehezana toy izay manaonao foana hotezerana

McFy

3379. Tsikovoka sy fandiorano, volo no iraisana, fa ny fomba samy manana ny azy

McFy

3380. Zaza fito tsy mahafehy trano fa ny fanahy fito no mahafehy trano.

jentilisa

3381. Zaza no tsy hilalao mandihiza ho tanora. Tanora no tsy handihy mitafà ho lehibe. Lehibe tsy hiresaka midira ho antitra. Antitra tsy hitso-drano, mitahian-ko razana, fa raha razana tsy hitahy mifohaza hiady vomanga

jentilisa

3382. Trafon-kena ome-mahery, am-bava homana am-po mieritra

jentilisa

3383. Faniriana an'olombelona zaka an'Nanahary

jentilisa

3384. Mitari-drano ankilahila ka ny very an-dalana no betsaka

jentilisa

3385. ny anateran-kira indray ve no milaza ho tsy mahay

jentilisa

3386. Fanambadiam-boalavo ka samy mikepoka izay azony

jentilisa

3387. Aza manao havana raha misy patsa

jentilisa

3388. Horirik'Ambohimanambola: aleo lo toy izay ho an-kavana

jentilisa

3389. Nanasa vahiny tsy tonga, sady voky no afaka adidy

jentilisa

3390. Ataovy toy ny dian-tanalahy, tsinjovina ny eo aloha, jerena ny aoriana.

jentilisa