Lisitry ny ohabolana - ohabolana.org

4351. Ny olona marina toy ny ombalahy ampandronjinana: tsy folaka anio, tsy maty mandrakizay.

latina

4352. Ny olona marina ohatra ny vato lava sorona, ka izay ametrahana azy marina avokoa.

latina

4353. Tsy ny hosoran-tsakay no mangidy hoditra, ary tsy ny hosoran-tantely no mamy hoditra, fa ny atao no mahasoa sy maharatsy

latina

4354. Hianareo no natao valala fiandry fasana, vorompotsy tsy mandao omby.

latina

4355. ianareo no natao ala hikirizana, vato hifaharana

latina

4356. Hianareo no natao masoivoho, hidin-trano miantoka ny alina.

latina

4357. Ny hery tsy mahaleo ny fanahy

latina

4358. Ny atao toy ny salaka: soa atao, manodidina, ratsy atao manodidina

latina

4359. Aleo ratsy tarehy ka tsara fanahy, toy izay tsara tarehy ka ratsy fanahy.

latina

4360. Fanafodin'ny osa ny marina ataony.

latina

4361. Avoavoin'ny vava ka sahalain'ny vintana

latina

4362. Ny faniriana tsy takatry ny vintana

latina

4363. Matoky ody voalavo va ianao no manao hena an-joron-damba?

latina

4364. Manao ondry tsy harena, ka misorona ondry boka

latina

4365. Tsy misy mivavaka niankandrefana, fa samy nianavaratra ihany; fa ny harena mila vintana, ka raha tsy anjara, , tsy tonga.

latina

4366. Aza matoky tangena entin-drahalahy

latina

4367. Sendra mandalo Ramaka, ka may ny tanàna

latina

4368. Tafitohina mandon-tavy ka merika ny andro

latina

4369. boka mitoraka Alahamady, ka hitan'Andriamanitra ny tarehiny

latina

4370. Ingorofotsy mitono sahondra, ka bokan'ny nataony

latina

4371. Ny takatra no fisa-doha, marary tsy misy mpanondana.

latina

4372. Ny maty no tsy alevina alakamisy sy alahady, ny velona no tandrovina.

latina

4373. Ny papelika no maro vava, mitana ny hafatry ny ntaolo

latina

4374. Ny kibobo no mena-maso: miresaka amin'ny Vazimba

latina

4375. Lolo mamoha angatra

latina

4376. Sendra masaka, tokony hihinana, avy tsy asaina, nasesiky ny razana.

latina

4377. Misakaiza amim-Bazimba malahelo, ka ny akoholahy lany, ny fitahiana tsy misy

latina

4378. Harem-bery foana, toy ny menaka ahoso-Bazimba

latina

4379. Ny adala no manitsa-Bazimba, ka ny lehibe no aolanolany

latina

4380. tany mainty tsy mba Vazimba

latina