Lisitry ny ohabolana misy hoe mana

571. Aza manao toy ny andevolahy mahay valiha; asaina manao tsy mety; noho ny tsy irahina, manao.

niryna

572. Aza manao vorona azon'adala ;ka na tsy maty aza, mifohafoha volo.

niryna

573. Manao an'Andriamanitra tsy hisy ka mitsambiki-mikipy

niryna

574. Aza manao fihavanam-bato ka raha tapaka tsy azo atohy.

niryna

575. AZa manao fihavanan-karena ka;tomany handratra ny sasany.

niryna

576. Aza manao tsinay homan'aty.

niryna

577. Aza manao: tsindrio fa resy;tano fa azo

niryna

578. Tsy misy valiny ;hoatra ny manao soa aman-kazo.

niryna

579. Mahita ny akanga tsara soratra ka manary ny akoho taman-trano.

niryna

580. Ny ondry boka manaratsy ny namany.

niryna

581. Mpandihy lava volon-kelika, mahay manan-tsiny tsy mahay manan-tsiny

galix

582. Aza manao joko tsoriaka mahasambo-kary

niryna

583. Aza manao fierin-kanin-jaza, ny an-tanana ariana, ny am-bava aloa

niryna

584. Aza manao boloky lahy homam-boatsieva, mamy ny atsy, fy ny aroa.

Aotsara

585. Ny lasa toy ny vozon'akanjo hitodihan-tsy hita nefa manaragarana aoriana ihany

Dadamaintso

586. Toy ny irai-tampo samy hafa ray, ka samy manana ny azy

latina

587. aza manao hoe: tombo Ifaralahy, fa naterako

latina

588. Ohatry ny momba: tsy misy manao azy reny

latina

589. toy ny momba: noana, tsy manan-kangatahana, voky tsy manan-kotolorana

latina

590. Aza manao toy ny rafozana jamba, ka aleo hateran-tsira kely toy izay homen-damba tsara

latina

591. aza lozabe manan'anaka sao tsy manan-dray ny zaza.

latina

592. Mpitovo mananatra ny mpanambady, ka hendry tsy manan-ko an-tena.

latina

593. Saro-po manan-tokana, ka tsy manan-droa hamolahana

latina

594. Izaho tsy manambady afa-tsy rainisambaina

latina

595. manambady ny lava, tsy mindran-tohatra intsony, manambady ny fohy, mitahiry tapak'aponga, manambady ny lozabe, mitahiry varatra an-trano

latina

596. Tampotampohin'ny manam-bady Raketaka ka misambo-balala hariva

latina

597. anambadian-ko namana, iterahan-ko dimby

latina

598. Aza manao amboa ditsoka (na dian'omby jamba)

latina

599. aza manao levenam-bola tandrifin'ny masoandro

latina

600. aza manao ombilahin'Ihosy: ampiadin-tsy miady, ampihosen-tsy mihosy, hanin-kena mafy hena, avela ihany, manoto ny madinika.

latina