Lisitry ny ohabolana misy hoe ny

Lisitry ny ohabolana, ohabolana misy hoe ny

Hampiditra ohabolana
691. Matin-drobon' ny adrisa ka fola-pen' ny aketalahy
yveratsimb
692. Izay hajaina tsy ho andriana tsy akory, ary izay manaja tsy ho andevo tsy akory ; ka tsara ny mifanaja.
yveratsimb
693. Tsy misy nivavaka niankandrefana, fa samy nianavaratra ihany ; fa ny harena mila vintana, ka raha tsy anjara, tsy tonga.
yveratsimb
694. Ny maty no tsy alevina Alakamisy sy Alahady, ny velona no tandrovina
yveratsimb
695. Ny halavoana tsy mahalehibe
yveratsimb
696. Toy ny tongom-bintsy an'ala, ka madio lavi-drano
yveratsimb
697. Ny olombelona toy ny embok' akondro : raha manondro ny lanitra, iray ihany ; fa raha miondrika samy manana ny lafiny
yveratsimb
698. Mody tsy sompatra, kanefa mangalatra ny akondron’ny marary
yveratsimb
699. Tezitra alohan’ny rariny, ka tsy misy asiana ny hitsiny
yveratsimb
700. Aza manao toy ny tandindona, miaraka ihany, fa tsy azo ho namana.
yveratsimb
701. Ny fo tsy mandringa, ka raha mandalo aho mitsidika ihany
yveratsimb
702. Manao zanaky ny mpisikidy ka tsy mba ho faty, na zanaky ny mpanefy ka tsy ho may
yveratsimb
703. Tsy nisy nanao soa ohatry ny vilany, fa raha vaky, natao fanotrehana akoho
yveratsimb
704. Manaova soa ampiantany, fa misy hiankinana ; ary manaova soa vato, fa misy hipetrahana.
yveratsimb
705. Ny marina toy ny tsiriry anaty harefo : tsy maty, fa malazo
yveratsimb
706. Ny olona marina ohatra ny vato lava sorona, ka izay ametrahana azy marina avokoa
yveratsimb
707. Sobiky rindra notampenan-kerana, ka ny azy fanahy iniany
yveratsimb
708. «Veloma» tsy mba adidy : sakafo lany tsy mba andraikitra.
yveratsimb
709. Aza atao fively amponga ny havana : ka ny iray am-baviny tambatamba­zana, ary ny iray kosa an-dahiny hodobodobohana.
yveratsimb
710. Aza asesiky ny fitia tanteraka, ka tsy mahalala ny ranon'orana ho avy
yveratsimb
711. Aza manao fitia paraky, ka hatreo am-bava no ho miakatra ihany
yveratsimb
712. Atody tsy afindra reny ; ro tsy afindra vilany
yveratsimb
713. Ny tsikalakalan-karena manam-pahalaniana, fa ny tsikalakalam-pihavanana tsy manam-pahalaniana
yveratsimb
714. Fihavanan' ny Mamoladahy : tsy mihavana roa taona
yveratsimb
715. Ny fihavanana tahaka ny volonkotona : hatonina, manalavitra ; halavirina, manatona
yveratsimb
716. Maizina ny andro, azo tsilovina; lalina ny rano azo lakanana; lalina ny hady,azo toharina; fa ny ratsy atao tsy mba azon-kevitra
yveratsimb
717. Ny fanompoana tahaka ny lanitra, ka samy miloloha ny tandrifiny avy.
yveratsimb
718. Kary mihomehy ny vorondolo, ka ny mandady indray no mihomehy
yveratsimb
719. Tahaka ny jiafotsy : vao, tsy ilaozan-kasokasoka, rovitra tsy hilaozan-dromoromo
yveratsimb
720. ny iray tsy tia mafana, ary ny iray tsy tia mangatsiaka : ka ataovy ny marimaritra iraisana
yveratsimb
© Eugene Heriniaina - serasera.org 1999 - 2026 - page load 0.0501