Lisitry ny ohabolana - ohabolana.org

841. Aleo vanda-manatrika toy izay vanda-miamboho.

aivetinakely

842. Ny voangaly no maty amin'ny hazotokana, fa ny lehilahy tsy mipetraka amin'ny vehivavy iray.

aivetinakely

843. Ny manana omby manana hena, ny manan-tsira mahay mahandro, fa ny manana olon-kendry manana ny ho mpitondra firenena.

aivetinakely

844. Aleo mitekoteko ho avy toy izay mamokopoko ho folaka

aivetinakely

845. Toky atao amim-bazimba izay mivadika aloha no kely ila

aivetinakely

846. Vato ateli-mamba aloa tsy miova loko, atelina tsy mba lo

aivetinakely

847. Adala ny manina ka ny tompom-bady no hafarana.

aivetinakely

848. Aza atao fitia ranon-trambo be fiavy fa mora ritra.

aivetinakely

849. Mpivaro-drano tratr'orana, ka tratry ny nataony ihany

aivetinakely

850. Ratsy atao amin-kavana, izay mahavita be no manenina

aivetinakely

851. Dedaka tonga rafozana, akohokely ka indramam-pamaky.

aivetinakely

852. Ny ela nonenana amoron-drano mahita ny marivo hirobohana, ny ela nonenana amoron'ala mahita ny mahitsy hokapaina

aivetinakely

853. Aza manao hevi-boalavo, saka matory no alàm-bolombava

aivetinakely

854. Fatra-pifidy ny manganagna ka sendra ny mangidy tsy telina.

aivetinakely

855. Ratsy tarehy mitaratra ka ny volo no aolakolaka

aivetinakely

856. Volamena notaingenam-boahangy ka tafahaona ny samy mamiratra.

aivetinakely

857. Ny omby no manimbolo miankandrefana, hanigna an'Ibongolava niaviana.

aivetinakely

858. Mpantsaka mahay mandihy, mahay ihany fa ambanin'ny siny.

aivetinakely

859. Akoho nikotri-borona ka nisasatra amin'ny tsy ho an'ny tena.

aivetinakely

860. Mitoto vary diavolana, maka fanahy ny akoho

aivetinakely

861. Kamovavy mindrana angady ka aza mahita anie aho

aivetinakely

862. Mindrana angady lohan-taona, ka maniraka ny tompony hiasa

aivetinakely

863. Ataovy vikin'alina ny fiainana, aleo manana amby toy izay tsy ampy.

aivetinakely

864. Mpianadahy mita rano, atao aloha ny anabavy mahasadaikatra, atao afara mampiherikerika

aivetinakely

865. Fihavanan-takatra, faly miara-mitokàka, malahelo miara-mitokiky

aivetinakely

866. Ny tsihy no fola-mandefitra fa ny olombelona tsy fola-mandefitra

aivetinakely

867. Ny tarehy no andRahiratra, fa ny vintana andRatsitamoraina

aivetinakely

868. Aza manao tahaka ny ranon'Ikopa, tonga namana vao mavomavo.

aivetinakely

869. Gisalahy mangala-ketsa, izy mangalatra koa no avo feo

aivetinakely

870. Ny very ondry manara-morona, ny tsy ampy ketsa mivezivezy

aivetinakely