Lisitry ny ohabolana misy hoe Tana

Lisitry ny ohabolana, ohabolana misy hoe Tana

Hampiditra ohabolana
61. Sakorok'alika toa fivorian'ny fozaorana : ny tanana atao V, ny nify aloha toa sosona
josla
62. Tsy sitrapon'ny antsy ny hikapa ny taola-mahery, fa asesiky ny tana-mandrasa.
soanja
63. Tanalahy ambony hazo ny vintana, miova volo nony misy zaza misioka.
soanja
64. LAVA-TANA TSY MIASA OHATRY NY FOZA
kiriah
65. Tsy hitanareo va ny maty? Tatarobe miefi-damba, misaron-doha tsy ho aiza. Maraina tsy mba mifoha, hariva tsy mba mamindro; tany mena no ambny tratra, rari-vato no an-dani-mandry.
soanja
66. Tahaka ny hadi-voanjo ny fanompoana: ka tsy ny momba ny tahony ihany no atao an-karona, fa ny mipetraka amin'ny tany hohazan-tanana koa mba hamenoana ny harona.
soanja
67. Tahaka ny jorery ny fanompoana, ka na dia tapaka aza ny tongony aman-tanany mbola mimenomenona ihany izy.
soanja
68. Benalika no niongo-kerana, ka Isamboranto no miempa-tanana.
soanja
69. Sisi-hazon' Antanamalaza, mahitsy ihany fa tonotononana; sisi-hazon'Antananarivo, sady soa no arahim-bankona.
soanja
70. "Fara-fahitana izao" hoy ilay voa bala amin'ny masony.
soanja
71. Tsy mpandidy fa mpitana gny tendany. (Ohabolana BETSIMISARAKA)
soanja
72. Madio midina, toy ny andevo manasa lamban'Antananarivo.
soanja
73. Tanana anaty filo ka ny any ivelany tsy tafiditra, ny ao anatiny tsy tafavoaka.
soanja
74. Sahomborera ambony amontana, tsy fitadiavan-kanina fa rehareha.
soanja
75. Tovovavy miady an-tanana ka tsy avelan'ny fantsakana tsy hiray.
soanja
76. Naka kitay tsy mirehitra, ka afaka adidy amin'ny fatana.
soanja
77. Mpanompolahy latsaka avara-patana ka saro-miala.
soanja
78. Akondro kely avara-tanana, ka raha avo manan-tompo.
soanja
79. Kiady eny amoron'ny hantsana ka tsy hasarotana fa fitiavana.
soanja
80. Bibilava ela niforetana, ka hitsotra ho hitan'ny olona.
soanja
81. Hano, kaikero! tsakotsakoy, raha resin'io ialahy tetitetehiko, avalako rano, omeko ny amboa, fa raha mahery rahavako voahangy, ividianako lamba, babeko maraina, tantanako hariva! Ndrofy lahy e! - Ireto teny fampiadiana angely fahizay.
soanja
82. Adala nomen-tanan'ondry, ka na hosoloana hofany aza tsy omeny.
soanja
83. Tomendry añabo kakazo; vataña fô aty fa jery jiaby aminarô añy. OHABOLANA SAKALAVA
zandrikelytf
84. mitosatosaka tahaka ny nono tsy fivotosana fa rat sambatana
turin
85. Valala tsy an-tanana tsy atolo-jaza
niryna
86. Tana-kavia sy havanana hono ka mamy ny atsy,tsy foy ny aroa...
ionosaoly
87. Matsabory ambany tanàna, ndray tsy higiahigny fa hanasana vity
hery
88. Lokin'ny vady tiana, manta mahatana am-bôtraka, magôdra môra ateligny
hery
89. Tsy mba mipitrapitra mampalahelo fa mivandravandra mampatahotra toy ny tanalahy
niryna
90. manalasala ohatran'ny volom-pitombenana, hongotana marary tsy hongotana mihazo-maloto
razion
© Eugene Heriniaina - serasera.org 1999 - 2025 - page load 0.0355