Lisitry ny ohabolana - ohabolana.org

5761. Tsy misy tandroka ny ratsy

jentilisa

5762. Hoy ny akoho mikotrika: nokobaniny tany am-poto-tsofiny lahy ny atodiko; nefa ny mikiakiaka mbola ho zaza, ary ny mikobana efa lamokany.

jentilisa

5763. Andevolahy namosavy tompo, nahazo hena indray manokona fa tapa-taona miongo-bolo ihany.

jentilisa

5764. ravinkazo nanintsana, ny lasa tsy azo ahoana, fa ny sisa no ampaniriana.

jentilisa

5765. ny alahelo toy ny rahona, rehefa mavesatra mianjera.

jentilisa

5766. ny alahelo toy ny vary an-tsompitra; ka ahafahana iray fatambary isan'andro, dia ho levona ihany ny farany.

jentilisa

5767. raha avy ny loza, patsa iray tsy omby vava, tain'akoho mahatafintohina.

jentilisa

5768. ny alahelo toy ny raki-malala ka raha tsy olo-tiana tsy amborahana azy.

jentilisa

5769. ny lalambe no tsy asian-dratsy mbola handalovana foana

jentilisa

5770. Androngo an-asa ka samy miaro ny rambony tsy ho tapaka.

jentilisa

5771. maso voan-tsakay ka ny sisa no tsy atao intsony.

jentilisa

5772. Mihevera tsara fa ny andro iray no tsy tanty

jentilisa

5773. Aza mahandro hena tsy fantatra anarana

jentilisa

5774. ny mitondra tehina mora fa ny mitondra tena sarotra.

jentilisa

5775. Misao-bady tanora ka manome zara ho an'ny hafa

JMR

5776. Noana tsy manan-kangatahina, voky tsy manan-kanolorana ny momba

jentilisa

5777. Ny vady no tiana ka ny rafozana no malala

jentilisa

5778. Miasa jamba rafozana, herim-po very foana

jentilisa

5779. Be setrasetra ka mamely daka rafozana

jentilisa

5780. Arahabao ihany izay hita fa tsy fantatra izay fara-rafozana

jentilisa

5781. Rafozan-doza sy vinanto tsy vanona

jentilisa

5782. Rafozana jamba: aleony hanateran-tsira kely toy izay omen-damba tsara

jentilisa

5783. Aleo tsy tiam-bady toy izay tsy tian-drafozana

jentilisa

5784. ny hovadiana be ihany fa ny horafozanina no tsy misy

jentilisa

5785. Ory ampiana toa vehivavy rafy

jentilisa

5786. Rafotsibe naka rafy ka naka loza ho an'ny tena

jentilisa

5787. raha tsy mifanaja ho mpivady aleo mifanaja ho mpianadahy

jentilisa

5788. faravady anadahy

jentilisa

5789. Mpitery mahita ny tohany ary mpirohy mahita ny traingony

jentilisa

5790. foza lahy atakalo foza vavy

jentilisa