Lisitry ny ohabolana - ohabolana.org

1051. Aza manao tahaka ny vorontsiloza : mikorefarefa tsy ankizivavy, dia izy ihany ; manakora tsy adin'ombilahy, dia izy ihany ; miambozom-boahangy tsy renin-jaza, dia izy ihany ; midoboka tsyampongabe, dia izy ihany.

yveratsimb

1052. Keliray nahazo jiolahy : tano ity fa azoko ; vonjeo aho fa lasany

yveratsimb

1053. Andriamanitra tsy omen-tsiny, Zanahary tsy omem-pondro, fa ny olombelona no be siasia

yveratsimb

1054. Fofon'ahandro ny aina, raha sokafana dia lasa

yveratsimb

1055. Aleo manontanitany foana hihomehezana, toy izay manaonao foana hitezerana

yveratsimb

1056. Mieritrereta tsara fa raha lava ny tanety , misy fisainana

yveratsimb

1057. Tsy mba ny alika manao baranahiny, fa ny kary no mandry amim-pively

yveratsimb

1058. Tsy manan-kamidy ka manontany, vary dimiventy ka avezivezy

yveratsimb

1059. Ny zaza hambo, tsy an'ny tena

yveratsimb

1060. Ny vava : tapaka fa tsy namana

yveratsimb

1061. Aza manao toy ny boka manjono, ka mifamitaka samy malama

yveratsimb

1062. Aza atao fitia miharo avona

yveratsimb

1063. Trano bongo misy ronono ka sarotra atao malahelo, ary jiolahy manan-trano ka sarotra atao olon-dratsy

yveratsimb

1064. Aza manao sotrobe lava tango, mahay atsy, mahay aroa

yveratsimb

1065. Omena mody voky, nefa mangala-pihinana ihany

yveratsimb

1066. Raha mahay mitaingin’ampondra, fa raha tsy mahay mitangina ampombo

yveratsimb

1067. Na tsara nify anoloana aza tsy hitsako mialoha ny vazana

yveratsimb

1068. Zandry am-piterahana, fa zoky amin-kevitra

yveratsimb

1069. Tsy asiana mizana tsindrin’ila na atao atody mafana ila

yveratsimb

1070. Raha zaza tsy hilalao, mitoera ho isan’ny tanora. Raha tanora tsy hiasa, mitoera ho isan’ny antitra. Raha antitra tsy hitafasiry, mandehana ho razana, ary raha razana tsy hitahy, fongary hihady vomanga

yveratsimb

1071. Raha lasa ny mamba, tonga ny voay, raha lasa ny tsara tonga ny soa

yveratsimb

1072. Raha hitsangan-tsy mahay, aleo misonenika an-toerana

yveratsimb

1073. Ny hitsikitsika tompon’ny dihy, ny Vivy tompon’ny rano, ary ny ray aman-dreny no tompon’ny fitenanana

yveratsimb

1074. Natao hitsikitsika hivavahana, kanjo voromahery mipaoka akohokely

yveratsimb

1075. Lambo mandia hosy ka manaraka ny efan’ny omby

yveratsimb

1076. Ho toy ny voatavo, tanora voatsongotsongo, antitra voabatabata

yveratsimb

1077. Aza mitondra entan-tsy voafehy

yveratsimb

1078. Adala toa zokim-bomanga, ny lehibe indray no hosen-davenona

yveratsimb

1079. Tsy ny tany no fady, fa ny vavan'ny olona

yveratsimb

1080. Mihambohambo tsy tia vary mohaka, fa miletra ny masiso be herinandro

yveratsimb