Liste des proverbes - ohabolana.org

1111. Ny tendrombohitra fandrian'ny zavona, ny renirano fandrian'ny mamba fa ny olombelona kosa fandrian'ny adidy sy ny andraikitra.

yveratsimb

1112. Ny teny toy ny zipon'ny tovovavy, lava mamafa lalana, fohy mampitanjaka ny tompony

yveratsimb

1113. Hendry zana-bady ka miaritra ny ditran-dreniny.

aivetinakely

1114. Kely fitia ka mitatatra fahavaratra.

aivetinakely

1115. Voanemba mitsipika anjoron-trano ny zanaka manam-bady havana ,tsy very fa miharo amin'ny namany.

aivetinakely

1116. Sikotry tsy lavitra ny omby, lehilahy tsy lavitry ny vehivavy.

aivetinakely

1117. Olombelo-mandeha , tsy very fa mahita raha.

aivetinakely

1118. Ny teny toy ny vato , izay maivana no atoraka.

aivetinakely

1119. Aza atao vato natsindry ahazana ny fitiavana, ka rehefa vita ny nilàna azy atsipy any andavaka.

aivetinakely

1120. Trano nafindra tsy mitovy zoro.

aivetinakely

1121. Ny manana omby manana hena, ny manana fahaizana manana harena.

aivetinakely

1122. Ataovy fihavanam-bava sy tanana : ka raha marary ny tanana ,dia mitsoka ny vava; ary raha marary ny vava,dia misafo ny tanana .

yveratsimb

1123. Aza manao fitian-dalitra, maty mitety ny ratsy, fa mba manaova fitian-tantely ka maty mamela ny mamy ho an'ny fokonolona

yveratsimb

1124. Ny ray no mihosom-potaka, ka ny zanany no vazina

yveratsimb

1125. Ny anatry ny ray toy ny tsipak'ombalahy, mahavoa mahafaty, tsy mahavoa mahafanina

yveratsimb

1126. Afo lavitra tsy azo amindroana

yveratsimb

1127. sery vitan'anamalaho ka hamonoana vatotr'akoho

yveratsimb

1128. Sambo-balala main'andro ka raha tsy azoko anio, azoko rahampitso

yveratsimb

1129. Tongotra mby an-dakana, ka tsy miverina intsony

yveratsimb

1130. Akoho mihehy tany, tsy haitraitra fa famerena-trosa.

aivetinakely

1131. Kabary zato , teny arivo fa iray ihany no tiana hahatongavana.

aivetinakely

1132. Andevolahy nahazo asa ka ny valifaty no mandany ny fiainany.

aivetinakely

1133. Ny olombelona ladin'akondro, mifanindry fa tsy mifamono.

aivetinakely

1134. Haren-dany tsy mba harena.

aivetinakely

1135. Fiainan'ny mpifankatia, ny te-hifankahita no mandany ny andro.

aivetinakely

1136. Matin-kenamaso ka homam-barim-boka

yveratsimb

1137. Hafahafa fitia sifotra ka ny tamenany indray no ariana

yveratsimb

1138. Aza atao toy ny fively amponga ny fihavanana ka ny iray ambaviny tambatambazana, ny iray andahiny dobodobohana

yveratsimb

1139. Mpitovo mananatra ny mpanambady, ka hendry tsy manan-ko an-tena

yveratsimb

1140. Misao-bady tanora, ka manome zara ho an'ny hafa

yveratsimb