Lisitry ny ohabolana misy hoe añy

Lisitry ny ohabolana, ohabolana misy hoe añy

Hampiditra ohabolana
271. 1/ Jaolahy nitombohom-bàviny, resy amin'ny fitiavagna 2/ Jaolahy nitomboko tomboay, tsy mahay fa kafiry 3/ Jaolahy nitombo-bosy, vatany fagnefany 4/ Agnomby mahia tsy lelafin'ny namany 5/ Namono agnomby, nitono kobantigny, tavin-draha samby isany
SEVAMBONY
272. Manahirana hoatran'ny filaina mihenjana vao maraina, enti-mihohoka maharary, enti-mitsilany manainga bodofotsy!
tomms
273. Ao ihany ny takatra nihinana ny valala sy ny vano nitsaingoka ny sahona.
soanja
274. Niolaka ny vato aho, novatoiny; niolaka ny hazo aho, nohazoniny; may Ikakibe vao navelany aho.
soanja
275. Tsy hitanareo va ny maty? Tatarobe miefi-damba, misaron-doha tsy ho aiza. Maraina tsy mba mifoha, hariva tsy mba mamindro; tany mena no ambny tratra, rari-vato no an-dani-mandry.
soanja
276. Tsitsihy agnabo, trandraka ambonin'ny tany; volam-pagnierana tsy mba ratsy. (Ohabolana BETSIMISARAKA)
soanja
277. Tany mena nafi-dambo: indao maty. (Ohabolana BETSIMISARAKA)
soanja
278. Mampandihy zaza balagna: hafa gny mampandihy an'azy ka hafa gny zahany. (Ohabolana BETSIMISARAKA)
soanja
279. Sakafo AnKeragna: lany omban-drano. (Ohabolana BESTIMISARAKA)
soanja
280. Aza avela hanoroka anao ny adala ary aza manaiky anaraka ny adalany
niryna
281. Ny ho avy dia manome tahotra ireo izay mbola miaina amin'ny lasany
niryna
282. Masoandro ririnina tsy natao hanafana ivelany ihany fa any anaty.
soanja
283. Lany aloha hoatra ny sakafon-doholana.
soanja
284. Tahaka ny hadi-voanjo ny fanompoana: ka tsy ny momba ny tahony ihany no atao an-karona, fa ny mipetraka amin'ny tany hohazan-tanana koa mba hamenoana ny harona.
soanja
285. Tahaka ny jorery ny fanompoana, ka na dia tapaka aza ny tongony aman-tanany mbola mimenomenona ihany izy.
soanja
286. Mihanton-kariva hoatra ny salakan'Amboatany.
soanja
287. Parasin'Ambohimanoa: ny vavy be loha,ary ny lahy kibotaina, ka samy mahalala ny anjarany.
soanja
288. Fandrian'Ivonizongo: ka ny mitsilany no malalaka noho ny mihoririna.
soanja
289. Vilany borin'Amboatany: ariana tsy foy, avela manebaka ny trano.
soanja
290. Aza manao tsitsik'ombin'Ibetsileo; ny ombin'Ikoto an'Ikoto ihany, ary ny ombin'olona an'Ikoto ihany koa.
soanja
291. Sisi-hazon' Antanamalaza, mahitsy ihany fa tonotononana; sisi-hazon'Antananarivo, sady soa no arahim-bankona.
soanja
292. Ny lalana haleha rahateo, ny dia ho any Mahavika.
soanja
293. Ratsy tarehy handeha hilanona, ka maraina ihany no izy.
soanja
294. Toy ny sahondra ambony vato, ka endrik'izay itoerany.
soanja
295. Ny tarehy soa verin'ny hanina an-dany vazana.
soanja
296. Voron-tsaporetika, papango didimaso, ka jereo aloha ny tena vao manenitra ny sasany.
soanja
297. Atodin-tetso: sady farany, lohany. (Ohabolana BETSIMISARAKA)
soanja
298. Tsy mpandidy fa mpitana gny tendany. (Ohabolana BETSIMISARAKA)
soanja
299. Tantamo an-dovoka gny olona: vany mitsivaka tahatra gny hisaraka. (Ohabolana BETSIMISARAKA)
soanja
300. Andevolahy feno kibo, minia tsy handositra, fa ny andevolahy noana, mitomany hamidy.
soanja
© Eugene Heriniaina - serasera.org 1999 - 2025 - page load 0.0665