Lisitry ny ohabolana misy hoe vôn

31. Tendrombohitra sy zavona: mihaona toa tsy hisaraka, misaraka toa tsy hihaona.

yveratsimb

32. Akoholahy mikohokoho vavy; tsy hanin-kahavoky fa voninahitra ifanomezana

yveratsimb

33. Keliray nahazo jiolahy : tano ity fa azoko ; vonjeo aho fa lasany

yveratsimb

34. Aza atao fitia miharo avona

yveratsimb

35. Ny tendrombohitra fandrian'ny zavona, ny renirano fandrian'ny mamba fa ny olombelona kosa fandrian'ny adidy sy ny andraikitra.

yveratsimb

36. Andriamanitra tsy manontany izay mety ho vitanao na tsy vitanao fa kosa mijery ny fahavononao Izy.

niryna

37. -Dedaka tonga rafozana, akoho iray no vonoina ka famaky no tadiavina

danbal

38. Toy ny rano eny am-body vondrona ka tsy ilaozan'ny soa sy ny manan-jara.

soanja

39. Fandrian'Ivonizongo: ka ny mitsilany no malalaka noho ny mihoririna.

soanja

40. Andriambavy Vonizongo: mitafy jabo ka manao fehin-tongotra.

soanja

41. Ny anankiray natao hoe " andevo namidy", ny anankiray natao hoe " nifindra fihinanana", ary ny anankiray natao hoe " andevo tsy fiompy"; ary ny anankiray natao hoe " andevon-drazana"

soanja

42. Andevolahy maty hariva, ka vovon'alika no anjara tafondrony.

soanja

43. Toy ny fanahin'andevo mandevona.

soanja

44. Tsy atakalo , tsy amidy resy, toy ny andevon-drazana.

soanja

45. Ny vitsy andevon'ny maro.

soanja

46. Donak afon' analakely ka tonga dia eny ambovonana

kiriah

47. Mahita ny akanga tsara soratra ka manary ny akoho mavon-drazana.

soanja

48. Ny anivona tsy mila antsetra, ny mpilotra tsy ilana tahony, fa izay mikendry no mahavoa.

soanja

49. Ny voatavon-tsira tsy enti-miantsena.

soanja

50. Mpaka rofia nahazo jiolahy ka vonona ny kofehy hamatorana.

soanja

51. Todian'ny ambora tsy nentina ka mivongika hazo tsy fantatra.

soanja

52. Ny hazo mirona tsy mba lavon-drivotra.

soanja

53. Sorona afon'adala, ka ny eo aloha tsy levona, ny aoriana asesika ihany.

soanja

54. Trano vaky vovonana ka mitondra teny mivoaka.

soanja

55. Vovonana iadian'ny lohany.

soanja

56. Vongan-tany nentin-driaka, teo ihany fa levona.

soanja

57. Natao ho zavona manamasaka ny vary, kanjo fanala mamono ny mangahazo.

soanja

58. Miakatra ho rahona fa mielin-ko zavona.

soanja

59. Voninahitri ny rahona deraina ihany fa tsy mitoetra

kiriah

60. Sokina mita rano, ka ny tsy mahay indray no mivonkina.

soanja