Liste des proverbes - ohabolana.org

6301. Izay mahavangivangy tian-kavana.

lanto

6302. Tsy ny hosoran-tsakay no mangidy hoditra, ary tsy ny hosoran-tantely no mamy hoditra, fa ny atao no mahasoa sy maharatsy.

lanto

6303. Ny hery tsy mahaleo ny fanahy.

lanto

6304. Ny atao toy ny salaka : soa atao, mihodidina; ratsy atao, mihodidina.

lanto

6305. Tsy hivady angaha no manao ianareo

sahoby

6306. Tolo-kena maty jiro, ka vintana no andrasana.

lanto

6307. Ny faniriana tsy takatry ny vintana.

lanto

6308. Maizina ny andro, azo tsilovina; lalina ny rano azo lakanana; lalina ny hady, azo toharina; fa ny ratsy atao tsy mba azon-kevitra

hery

6309. Tsy nisy nivavaka niankandrefana, fa samy nianavaratra ihany; ny harena mila vintana ka raha tsy anjara, tsy tonga.

lanto

6310. Ny fihavanana toy ny raty: raha henjanina, tapaka; ary raha ketrahina miboraka

hery

6311. Tandremo ny hanan-drariny ; fa ny olombelona toy ny tsingala sy ny dinta, ka saromifanaikitra

hery

6312. Aza manao kitapo hamelana ny lolompo, na hadivory hasiana ny fitaka

hery

6313. Raha razana tsy hitahy, fohazy hihady vomanga

lanto

6314. Mirediredy ho lambolahy, fa rehefa mahita ampombo malemy, miketraka ho reni-kisoa.

hery

6315. Sorohitra mitaingina ambony antsoro, ka ny malemy ihany no tsindriany.

hery

6316. Vilany be nandrahoan-kena tsy hilaozan' izay motimotiny ho diso

hery

6317. Tsy ny hosoran-tsakay no mangidy hoditra, ary tsy ny hosoran- tantely no mamy hoditra, fa ny atao no mahasoa sy maharatsy

hery

6318. Ataovy fitia landihazo: ka ny madilana tentenana, ary ny màito tohizana.

hery

6319. Aza malaina manao zavatra; fa ny mosary indray maraina tsy efa foana.

hery

6320. Tsy mba ny rambony hanamavo ny vodiny aho, fa ny lelany hanamandina ny trafony

hery

6321. Ny olombelona ohatra ny ladim-boatavo, raha fotorana iray ihany.

lanto

6322. Ny olombelona toy ny molo-bilany ka iray mihodidina ihany

lanto

6323. Aza manao toy ny jorery, ny feo mampita lohasaha, fa ny tenany tsy ampy indraim-bava.

hery

6324. Vitsika nahazo valala, tonga ny entana fa ny vava no tsy omby

hery

6325. Akoho mikotrika atodim-borona, ka miongo-bolo amin'ny tsy ho an'ny tena

hery

6326. Ataovy fitian-dranon'erika: madini-piavy fa mahatondra-drano

hery

6327. Toy ny osivavy somorina : ny lova tamin-dray tsy avela, ary ny hetra tamin-dreny tsy diso.

hery

6328. Tsy misy hianteherana toa bozaka; tanora, sakafon'ny omby; antitra, sakafom-patana

hery

6329. Aza manao fihavanan-karena, ka tomany handratra ny sasany

hery

6330. Toto vary lena ka samy te-ho lohany

hery