Les proverbes contenant hava

211. Ny fihavanana ohatry ny landy : maty isika, ifonosana; velona itafiana ka ny madilana arahim-panondro

hery

212. ny fihavanana dia rano be mamono afo

ftma

213. Aza atao filan-draha tsy mahita na fiatontana raha resy ny havanao.

jentilisa

214. Akory ilay malaina: asaina miasa lohataona manao hoe vaky lafika aho, asaina manosy fahavaratra milaza ho mararin'ny tazo, avela an-tanàna tsy mahamasa-kanina.

jentilisa

215. Maloiloim-pihavanana va ianao?

McFy

216. Raha sosoa no ataon-dRahavana, izaho irery no mahatan-kadivory, roa lahy mahasakana arivo

hery

217. Raha revom-potaka, rano no manala ; raha revon-teny, vava no manala ; raha revon'alahelo, ny havana itarainana

hery

218. Ny havan-tiana tsy iaraha-monina

hery

219. Ny havan-dratsy tsy mahaleo ny sakaiza tiana

hery

220. Ny havana ihany no manavangavana

hery

221. Ny havana ataovy toy ny andry ombin'Ilaimora : ny aloha vaosafosafo ary ny aoriana voatehatehaka

hery

222. Izay mahavangivangy tian-kavana

hery

223. Havan-tiana tsy mahalavi-tany

hery

224. Havako raha misy patsa, fa raha lany ny patsa havan-tetezina

hery

225. Aza sarotra ihamboana toa havan-dratsy

hery

226. Aza ny havana no asian-dratsy, fa tsy ho tratry ny hafa tsy akory

hery

227. Aza mitonantonana toy ny hava-nalaina

hery

228. Aza mandalo tanà-misy havana

hery

229. Aza atao fively amponga ny havana, ka ny iray ambaviny tambatambazana, ary ny iray andahiny hodobodohohina

hery

230. Mindrana angady fahavaratra, maniraka ny tompony hiasa

JMR

231. Raha maty aho matesa Rahavana, raha maty Rahavana, matesa Raomby

JMR

232. fihavanana raha misy patsa ka valin'fingika fingaka

ramuscle

233. Loharano tsy dikain'ny zinga, ary ny zoky tsy ialohava-mandeha

jentilisa

234. Raha revom-potaka, rano no manala; raha revon-teny, vava no manala; raha revon'alahelo, ny havana no itarainana.

ftma

235. aleo mifanao sarotra hihavanana amin'ny ela toy izay mifanao mora hiadiana amin'ny farany

jentilisa

236. Alahelo tsy ambara havana, zakan'ny tompony ihany

DIDIH

237. Alao henatra, alao tondro maso fa havana

booboo

238. Raha maty aho matesa rahavana, raha maty rahavana matesa ny omby.

jentilisa

239. Ny fihavanana ohatra ny landy, maty isika ifonosana, velona itafiana, ka ny madilana arahim-panondro

McFy

240. Ny fihavanana toy ny fasam-bazimba ka izay mandrava aloha no kely ila

McFy