Lisitry ny ohabolana

Lisitry ny ohabolana rehetra

Hampiditra ohabolana
2971. Ny tany sy lanitra no tsy nikambana, hisian'ny rivo-pamelona, ny vary sy rano no tsy mifandao, natao hifameno.
aivetinakely
2972. Ikopa no renirano malaza, ampian'ny tatatra arivo saha, ny foto-kazo no midoroboka, ny sampany sy ny rantsany no misandrahaka.
aivetinakely
2973. Tsy mety ny manao toy ny ganagana, ka ny lahy hitarika indray no kely feo.
aivetinakely
2974. Ianareo vorona manim-poto-kazo, izahay hazo miandry voron-kitoetra.
aivetinakely
2975. Sola tsy noratraina, hono, ny akanga, menaloha tsy voadidy ny akoholahy, ary ny tandroka tsy niala tamin'ny loha omby, tsy takaitra fa voajanahary.
aivetinakely
2976. raha ho eny Mahamasina ve tsy hahatsinjo ny anjelin'Anosy, raha mandalo an'Analakely ve tsy hahatazana ny famantaran'andron'ny gara sy Faravohitra.
aivetinakely
2977. Ny basy ni hifampitifirana, ny antsy no hifandrasàna, fa ny vava no hifampiresahana.
aivetinakely
2978. Tsy hoe lava volo an-katoka akory ka hatory tsy miondana.
aivetinakely
2979. Ny kary no be mpanakora, ny kisoa no be tondro molotra, fa ny olona tokony ho be fihavanana.
aivetinakely
2980. Ny rano am-parihy, hono, no fanovo amin-jinga, ny vary no fitoto an-daona, ary ny sompitra ambany rihana no miantoka ny taon-tsarotra.
aivetinakely
2981. Raha torimaso, hono, no tsy taitran'amponga, fohazy sao nodimandry, ary raha teny aman-kilontsaina no fonosina tsy hivoaka, tandremo fa sao very hasina
aivetinakely
2982. -tsarovy fa ny lainga dia aretina mikiky ny tokatrano.
tendry77
2983. Aleo manontanitany foana hihomehezana toy izay manaon-tao foana hanala-baraka.
sylvoalias
2984. Kokokokon'akoho hoe ka tsy hanina hahavoky fa kosa voninahitra ifanomezana
sylvoalias
2985. Trano bongo misy ronono ka sarotra ny atao hoe malahelo.
sylvoalias
2986. Boloky lahy homam-boa-tseva ka mamy ny ato fy ny aroa.
sylvoalias
2987. Ela nitoratorahana hoe ka nahavoa mason'angatra
sylvoalias
2988. Ny ana-dray aman-dreny hono hoe toy ny tsipak'omby lahy, ka raha mahavoa mahafaty fa raha tsy mahavoa kosa mahafanina.
sylvoalias
2989. Matimaty foana toy voron-kely lalaovim-boka.
sylvoalias
2990. Aza manao bokalahy mahay valiha
sylvoalias
2991. Tafita vao rendrika toy boka milomano.
sylvoalias
2992. Sempotra amin'ny zavatra tiany toy ny mpandihy andavenona.(ka aleo maty toy izay hiala maina).
sylvoalias
2993. Ny soa atao hono hoe levenam-bola fa ny ratsy atao kosa loza mihantona.
sylvoalias
2994. Ny vehivavy tsy mba very mandeha.
aivetinakely
2995. Aza ariana ny havana rehefa lasa ambony
aivetinakely
2996. Aza atao fitia varavarana aho, tiana ihany fa atositosika, na atao fitia ranotrambo be fiavy fa mora ritra, na fitia paraky ka rehefa matsatso arora, fa ataovy fitia lamban'akoho ka maty vao ialàna
aivetinakely
2997. Izay tia mahafoy, ny tiana amoizana ny tsy foy
aivetinakely
2998. Ny vano no fisa-doha matory amorom-parihy, ny faraka no kely andilana ny isan-jato no tsy zaka.
aivetinakely
2999. Ny kary no mangalatra ka ny saka no voatapa-drambo.
aivetinakely
3000. Tsy misy mahamenatra mihoatra ny mitari-bady tsy lasam-bodiondry
aivetinakely
© Eugene Heriniaina - serasera.org 1999 - 2025 - page load 0.0193