Lisitry ny ohabolana misy hoe Anà

Lisitry ny ohabolana, ohabolana misy hoe Anà

Hampiditra ohabolana
1231. Ny tambitamby efa lany, ny fitia efa nadiva ka na hifona aza tsy azo iverenana intsony.
aivetinakely
1232. Mafy orina tahaka ny vatolampy ny fitiavana, ka tsy azo hozongozonina.
aivetinakely
1233. Vadivao mifanena amin-drafozana, sahiran-tsaina ny fomba hiantsoana azy.
aivetinakely
1234. Ratsy anarana tahaka ny hena fizara am-paty.
aivetinakely
1235. Tsara toerana tahaka ny tantely, fomba fiteny avy ka nahazoam-boninahitra.
aivetinakely
1236. Fandrotrarana mandady anaty rano, fongory fa tsy fahitan-drazana.
aivetinakely
1237. Ovin'Antsirabe, malaza amin'ny fitsofana azy ihany.
aivetinakely
1238. Tia taratra tahaka ny tovovavy matroka endrika, miandry ho sitrana isa-minitra.
aivetinakely
1239. Foza mifanena amin'ny oram-baranga, ny loko itovizana ihany fa ny raifi-batana no samihafa.
aivetinakely
1240. Aza maniry ho foza, fa na mijoro aza mihorirana foana.
aivetinakely
1241. Aza mifaninana amin'ny oron-tsaka, fa na an'arivony metatra aza mandre fofona foana.
aivetinakely
1242. Lavanify tia tsiky, tsy fantatra na tezitra na hanaikitra.
aivetinakely
1243. Fom-behivavy ratsiana anaka, tsy fantatra na sangy na hatezerana.
aivetinakely
1244. Kabary am-panambadiana, raha mahay voninahitra lolohavina, raha tsy mahay tsiny mandra-maty.
aivetinakely
1245. Manan-kasina ny tanindrazana ka mahasify raha amidy.
aivetinakely
1246. Zandry tsy mahandry lova hatolotra ka mamosavy ny zoky tsy ampiheverana.
aivetinakely
1247. Zaza tia lalao afo ka ny andrana ataony ihany no mahahendry azy.
aivetinakely
1248. Mpamitaka tahaka ny lehilahy te-hampirafy, milaza tsy manana kanefa efa folo anaka.
aivetinakely
1249. Voangaly tsy maty amin'ny hazo tokana ny aty, ka mahita foana vao mivoaka ny trano.
aivetinakely
1250. Raha ianao hiditra amin'i Mangamalefaka, izaho hiantrano amin'ny Tsimiolakolaka.
aivetinakely
1251. Aza mirify amin'ny fampatahorana fa samy miaina amin'ny orony.
aivetinakely
1252. Mijaingijaingy tahaka ny rafozana voalatsa.
aivetinakely
1253. Vady notoloram-pahefàna, ka manitsa-boninahitry ny rafozana.
aivetinakely
1254. Manary vady tanora, tsy kakerin'ny nenina fotsiny fa mandraiki-marary isaky ny mahita azy.
aivetinakely
1255. Tsiambaratelon'adala, izy ihany no fanalahidiny.
aivetinakely
1256. Alika mahia, sady tsy mahavita adidy no manala baràka ny tompony
aivetinakely
1257. Vato atao fototra trano, tsy ny hatsaràny ihany no kendrena fa ny toerana niaviany.
aivetinakely
1258. Vato borobory mikodia, tsy hafainganam-pandeha fa fitadiavana tany marin-drano.
aivetinakely
1259. Vatokely antsisin-dalana, tsy miandry anao hitodika fa miantso anao hitandrina famindra.
aivetinakely
1260. Ataovy toy ny vato andohampasana ka na kely aza manan-kasina.
aivetinakely
© Eugene Heriniaina - serasera.org 1999 - 2025 - page load 0.1774