Lisitry ny ohabolana - ohabolana.org

1561. Andevo tokana amin'andriana, raha tsy matin'iraka, maty voky.

soanja

1562. Aleo ravim-bohoimanga tsy arahin-dromoromo,toy zay hanim-pitoloha arahin-datsa

andrebabe

1563. Aleo ho tsara laza toy izay ho be harena, Ary tsara ny fitia noho ny volafotsy sy ny volamena.

andrebabe

1564. Ny loza toy ny alika,rehefa antsoina dia tonga

manip

1565. ny tany tsy ho lavadavahana mbola hiverenana, aza mandrora mitsilany sao hahavoa tena, alaeo volana imaso toy izay volana ivoho, tsy ny tany no fady fa ny vavam-bahoaka, ny maherh tsy maody tsy ho ela velona

voniala

1566. Zaza tokana na-trano ka raha tsy maty voky maty iraka

kiriah

1567. Tongo-bakivaky ka sady marary no maha-menatra

kiriah

1568. Adin-tsain-dRalahy tokana, ny vady tiana ny reny tsy foy

kiriah

1569. Ny loza tsy mitoetra atao mbay lalana , ny fitahiana tsy mitsidika atao mandrosoa.

kiriah

1570. Ny tsiny HADY lalina tsiriana maha-fanina, ianjeràna maha-faty

kiriah

1571. Hady vomangan' i Kirijavola ka tonga dia ny vaomasony no potsirina

kiriah

1572. Sitraka enti-matory ho valiana raha matsiaro

kiriah

1573. Basy atifi-kavana ka tsy afenina fa arangaranga

kiriah

1574. Mandefitra manana ny rariny toy ny vahiny voa-hitsaka

kiriah

1575. Donak afon' analakely ka tonga dia eny ambovonana

kiriah

1576. maty kiambo tohin'ny olotra ozy ka eny ambon'ny tay no manao tsongolo batiba

meljah

1577. Te-hoderain'ny amboa ka mikiky taolana tsy misy nofony.

soanja

1578. Fihavanan'amboa ka ravan'ny taolana iray.

soanja

1579. Taolan-kena mahia ka na dia tsy hena aza dia fofy.

soanja

1580. Banga mihinan-trafon-kena ka lasa tsy antonontonona.

soanja

1581. Lelafin-ko mandina tahaka ny trafony.

soanja

1582. Trafo nasondrotry ny nofo.

soanja

1583. Mananjara izay itobahan'ny rony fa ny ventiny mandeha an-danjany.

soanja

1584. Banga mihinan-kitoza ka tsirony no ilaina kanefa ny ivy indray no raraka.

soanja

1585. Rafotsibe leon-koditra ka tsy te hijery omby velona.

soanja

1586. Rafotsibe leon-dran-kena ka tsy te hijery tanimena.

soanja

1587. Manao atody mafana ila.

soanja

1588. Atody fito fototra, tsy ilaozan'izay ho lamokany.

soanja

1589. Akohovavy maneno, ka ny loza ho an'olona lazainy,fa ny angady hitomboka ny lohany tsy fantany.

soanja

1590. Akohokely voahitsa-dreniny ka tsy hala fa tompom-pitia.

soanja