Lisitry ny ohabolana - ohabolana.org

1681. Fihavanan-takatra ka ory miara-mitokiky, faly miara-mitokaka.

soanja

1682. Vorondolo miseho andro ka ny tararaka aza manenjika.

soanja

1683. Rafotsibe mataho-tararaka ka ianao hariva eo, izaho alina eto.

soanja

1684. Mandihiza rahitsikitsika hianaranay amin'ny fararano.

soanja

1685. Tatabava, milaza taon-tsy hisitrahana toy ny kankafotra.

soanja

1686. Voronombalahy ka ambony miray lanitra, ambany miray lavaka.

soanja

1687. Velon-drivotra toa sidintsidina.

soanja

1688. Voromanga milevim-belona.

soanja

1689. Mandoka tena ohatra ny papelika.

soanja

1690. Tsikirity momba fody, ka tsy tompon-dia fa mpanaraka.

soanja

1691. Vato atora-pody ka tsy ijerana vary miraraka.

soanja

1692. Fody lahy ririnina ka mitovy volo amin'ny sorohitra.

soanja

1693. Fody lahy mena vary ka manandrana alohan'ny tompony.

soanja

1694. Kibobo voafandrika ka ny mandrimandry no ahazoana aina.

soanja

1695. Na mahay manjohy aza ny kibobo, ny alika koa mahay manimbolo.

soanja

1696. Tsy maneno alohan'ny fitatra.

soanja

1697. Zana-tsorohitra amoron-dalana ka tsy nariako, tsy narian-dreniny.

soanja

1698. Rafotsibe manenjin-tsintsina, ka izaho ety, izy eny, izaho ery, izy ety.

soanja

1699. Tsintsina nahazo sompanga, ka ny kibo hasiana no tsy misy.

soanja

1700. Tanana anaty filo ka ny any ivelany tsy tafiditra, ny ao anatiny tsy tafavoaka.

soanja

1701. Mitango voan-draketa, ka iray no alaina dia indroa no voatsindrona.

soanja

1702. Bararata anaty fasika ka totofana vao lava tsiry.

soanja

1703. Fakam-bolontsangana aho mitaingina ny avo.

soanja

1704. Raha mbola vao dia mitaingina bao, fa nony tamana taingenan'ny bao.

soanja

1705. Mitsaha-pilana ohatra ny mpivaro-baliha maty vady.

soanja

1706. Mitendry valiha maty vady, ka mifaly amin'ny efa nafoy, sa manaitra ny mbola tsy manana?

soanja

1707. Tongobolo angaha aho ka ho tapenam-bava?

soanja

1708. Ny anivona tsy mila antsetra, ny mpilotra tsy ilana tahony, fa izay mikendry no mahavoa.

soanja

1709. Sakamalao sy havozo ka samy mitondra ny hanitra ho azy.

soanja

1710. Ngorongoso odian-tamotamo, avelao hifanenjika fa samy mavo.

soanja