Lisitry ny ohabolana misy hoe Atra

Lisitry ny ohabolana, ohabolana misy hoe Atra

Hampiditra ohabolana
181. Kristianina alahady, alatsiainy mangalatra akoho!
mianjy
182. ny saina toy ny havitra: koa raha tsotra loatra, tsy mitondra; ary raha melo-doatra, mipaoka izay tsy hopaohina.
itaramasoandro
183. tsy misy mateza milevina hoatra ny voalavo, fa raha mitranga izy dia hanin'ny saka.
itaramasoandro
184. Mampaka-bady maika loatra, ny tarehy no voajery, ny fanahy natao sorona
aivetinakely
185. Raha tiana ho tody ny lakana itàna,ny tevin-damosiny aloha no zahàna; raha tiana hateza ny lamba tinafy,tsongoy ny tenony fandrao tsy mafy; raha tiana hateza ny fanambadiana,ny alarofatra no anontaniana!
zokieva
186. Ny fatra-pandà ihany no manaiky
niryna
187. Toy ny tongotra vakivaky ka sady maharary no mahamenatra
niryna
188. Ny zavatra tsara sy mahavariana amin'ny fiainana dia ny fahafantaranao fa sarobidy hianao
niryna
189. Tiavo ny tenanao aloha dia manaraka ho azy ny zavatra rehetra
niryna
190. Maro ny vorona fa ny railovy no manga feo, maro ny teny fa ny teny gasy no tsy afako loatra.
soanja
191. "Ny manta ambilany mila mpahandro, ny masaka an-tokonana mila mpandoatra, ny voaloatra an-dovia mila mpampandroso."
soanja
192. Maro ny valala fa ny ambolo no tsara soratra, maro ny omby fa ny sada no meva.
soanja
193. Manahirana hoatran'ny filaina mihenjana vao maraina, enti-mihohoka maharary, enti-mitsilany manainga bodofotsy!
tomms
194. Ambakain'ny tainy tahaka ny alika nihinan-droatra
samaky
195. Ao ihany ny takatra nihinana ny valala sy ny vano nitsaingoka ny sahona.
soanja
196. Tsy hitanareo va ny maty? Tatarobe miefi-damba, misaron-doha tsy ho aiza. Maraina tsy mba mifoha, hariva tsy mba mamindro; tany mena no ambny tratra, rari-vato no an-dani-mandry.
soanja
197. Vilagny vy natrao-bazaha: teto laha niharo. (Ohabolana BETSIMISARAKA)
soanja
198. Lany aloha hoatra ny sakafon-doholana.
soanja
199. Ny fanompoana folo elatra ahina: ahina mahavelona, tsy ahina mahafaty.
soanja
200. Mihanton-kariva hoatra ny salakan'Amboatany.
soanja
201. Tapia tsy miakatra Imerina, amberivatry tsy midina Imamo.
soanja
202. Vorodamba atakalo mindrana, ka ny manana ny ratsy indray no manafatra.
soanja
203. Manana amby tsy ampy, hoatra ny sola vaohina.
soanja
204. Nahoana no maniry manitra hoatra ny boka anaty tapia?
soanja
205. Tantamo an-dovoka gny olona: vany mitsivaka tahatra gny hisaraka. (Ohabolana BETSIMISARAKA)
soanja
206. Mpanompon-dRatsimandresy, ka efa nasandratra vao nihareraka.
soanja
207. Maina tsy azo diasana hoatra ny fia-parin'andevolahy.
soanja
208. Mimenomenona hoatra ny ampelam-barotra.
soanja
209. Aza mikapa sakaiza hoatra ny andevolahy homan-tain-jiro.
soanja
210. Tongo-bakivaky ka sady marary no maha-menatra
kiriah
© Eugene Heriniaina - serasera.org 1999 - 2026 - page load 0.0266